ماۋلەن اشىمبايەۆ رەسەي شەكاراسىنداعى كىدىرىستەر تۋرالى: ولار تەكسەرسە، ءبىز دە تەكسەرۋىمىز كەرەك

Президент мемлекет алдында тұрған негізгі міндеттерді белгілеп берді – Мәулен Әшімбаев
Фото: Сенаттың баспасөз қызметі

  سەنات ءتوراعاسى ماۋلەن اشىمبايەۆ رەسەيمەن شەكارادا قازاقستاندىق كاسىپكەرلەردىڭ ونىمدەرىن تەكسەرۋ مەرزىمىنىڭ ۇزاقتىعى پروبلەماعا اينالعانىن ايتىپ، ساۋدا جانە ينتەگراتسيا ءمينيسترى ارمان شاققاليەۆتى جەدەل ءتيىستى شارالار قابىلداۋعا شاقىردى، دەپ حابارلايدى Kazinform.

«تاياۋدا بارلىق ارىپتەستەرىمىز وڭىرلەردەن ورالدى. ءوزىم دە اتىراۋ وبلىسىنا بارىپ، جەرگىلىكتى تۇرعىندارمەن، كاسىپكەرلەرمەن جانە ءماسليحات دەپۋتاتتارىمەن كەزدەستىم. سونداي كەزدەسۋلەردىڭ بىرىندە كاسىپكەرلەر وسى ماسەلەنى كوتەرىپ، رەسەيگە تاۋارلارىن جەتكىزگەن كەزدە 15-20 كۇنگە دەيىنگى مەرزىمدى الاتىن ۆەتەرينارلىق، سانيتارلىق، فيتوسانيتارلىق سياقتى ءتۇرلى تەكسەرىستەردەن وتۋگە ءماجبۇر بولىپ جۇرگەندەرىن ايتتى. ولار وسىنداي ونىمدەر ءبىزدىڭ تاراپقا كەلگەن كەزدە نە ءۇشىن ۆەتەرينارلىق، سانيتارلىق، فيتوسانيتارلىق جانە تاعى دا باسقا باقىلاۋلار ءتيىستى دەڭگەيدە جۇرگىزىلمەيتىنىن سۇرايدى. نەگىزى كەلىسىم ەكى جاققا بىردەي. ەگەر ءبىزدىڭ سەرىكتەستەرىمىز تەكسەرىپ جاتسا، ءبىز دە تەكسەرۋىمىز كەرەك. بۇل - ءوزارا تەڭدىككە قاتىستى ماسەلە. ەڭ باستىسى، ءبىز ءوز ازاماتتارىمىزدىڭ دەنساۋلىعىن قامتاماسىز ەتۋىمىز قاجەت»، - دەدى ول سەنات وتىرىسىندا.

پالاتا سپيكەرى مۇنداي تۇيتكىلدەر ءتيىستى مەملەكەتتىك ورگانداردىڭ جۇمىستى قاجەتتى دەڭگەيدە اتقارماۋىنان تۋىندايتىنىن ايتتى.

«وسى ماسەلەنى وڭىرلەردەگى تۇرعىندار ءجيى كوتەرەدى. بۇل نەنى بىلدىرەدى؟ بۇل - مەملەكەتتىك ورگاندار تاراپىنان لايىقتى جۇمىس جۇرگىزىلمەيدى نەمەسە ءبىز كەلىسىمنىڭ شارتتارىن ءتيىستى دەڭگەيدە ورىنداماي وتىرمىز دەگەن ءسوز. ەگەر كەيبىر جەردە كەلىسىم تالاپتارى ءوز دەڭگەيىندە ورىندالماي جاتسا، ولاردى ىسكە اسىرۋ ءۇشىن ءتيىستى شارالار قابىلداعان ءجون. مۇمكىن ازاماتتارعا قاجەتتى اقپاراتتار دۇرىس جەتپەيتىن شىعار. وسى ماسەلەنى دە نازارعا الىپ، زاڭ اياسىندا ارەكەت ەتۋىمىز كەرەك»، - دەدى سەنات ءتوراعاسى.

سوڭعى جاڭالىقتار