مالاۆيدە نوسەر جاۋىننان 31 ادام قازا تاپتى
استانا. KAZINFORM - قاراشا ايىنىڭ باسىندا مالاۆيدە جاڭبىرلى ماۋسىم باستالعاننان بەرى 31 ادام قازا تاۋىپ، 31413 ءۇي زارداپ شەكتى، دەپ جازادى شينحۋا.

22 ادام نايزاعاي سوعۋىنان جانە توعىز ادام داۋىل سالدارىنان قۇلاعان عيماراتتار استىندا قالىپ قازا تاپتى، دەپ حابارلادى سەيسەنبىدە ەلدىڭ تابيعي اپاتتاردى باسقارۋ دەپارتامەنتى.
3 - جەلتوقساندا اگەنتتىك 11 ادام قايتىس بولىپ، 10833 ءۇي شارۋاشىلىعى زارداپ شەككەنىن حابارلادى.
مالىمەتتەرگە سايكەس، زارداپ شەككەندەردىڭ جالپى سانى دا 79 دان 382 گە ءوستى.
بۇل ساندار جەلتوقسان ايىنىڭ ورتاسىندا مالاۆيدە بولعان تروپيكالىق چيدو سيكلونى سالدارىنان بولعان وقيعاعا قاتىسى جوق. ول كەزدە سيكلون 13 ادامنىڭ ءومىرىن قيىپ، 29 ىن جاراقاتتادى.
ەسكە سالا كەتەيىك، بۇعان دەيىن كاليفورنيادا تاعى دا الاپات ءورت تۇتانىپ، 50 مىڭنان اسا ادام ەۆاكۋاتسيالانعانىن جازعان بولاتىنبىز.