ماكرون مەن شي جينپيڭ وليمپيادا كەزىندە بۇكىل سوعىستى توقتاتۋعا شاقىردى
استانا. KAZINFORM - ق ح ر كوشباسشىسى شي جينپيڭ پاريجدە وتەتىن وليمپيادا كەزىندە سوعىستى جاھاندىق دەڭگەيدە توقتاتۋ ءۇشىن فرانسيامەن جۇمىس ىستەۋگە دايىن ەكەنىن مالىمدەدى، دەپ حابارلايدى Euronews.
پاريجدە وتكەن باسپا ءسوز ءماسليحاتىندا شي جينپيڭ قىتاي ۋكرايناداعى بەيبىتشىلىككە قول جەتكىزۋدە بەلسەندى ءرول اتقارىپ وتىرعانىن ايتتى.
«بۇگىن الەم تىنىش ەمەس. ب ۇ ۇ قاۋىپسىزدىك كەڭەسىنىڭ تۇراقتى مۇشەسى جانە جاۋاپتى ءىرى ەل رەتىندە قىتاي پاريجدەگى وليمپيادا ويىندارى كەزىندە جاھاندىق اتىستى جانە سوعىستى توقتاتۋ مۇمكىندىگىن پايدالانۋ ءۇشىن فرانسيامەن جۇمىس ىستەۋگە دايىن»، - دەدى شي جينپيڭ.
ونىڭ سوزدەرى وليمپيادا كەزىندە بىتىمگە شاقىرعان ماكروننىڭ ۇقساس مالىمدەمەلەرىمەن ۇندەستىك تاپتى.
ەكى باسشى اراسىنداعى كەلىسسوزدە ساۋدا ماسەلەسى ءسوز بولدى.
بۇعان دەيىن ماكرون قىتايدىڭ پروتەكتسيونيزم مەن سۋبسيديانى كۇشەيتۋ تۇرىندەگى ساۋدا تاجىريبەسىن ايىپتاعان.
ەۋروپا ەكونوميكالىق ەگەمەندىگىنىڭ جاقتاۋشىسى فرانسيانىڭ كونياك پەن وزگە ەۋروپالىق برەنديلەرگە قاتىستى قىتايدىڭ دەمپينگ تەرگەۋىنە، سونداي-اق فرانسۋز كوسمەتيكاسى مەن باسقا سەكتورلارداعى شيەلەنىسكە قاتىستى الاڭداۋشىلىعىن ءبىلدىردى.
قىتاي رەسەي-ۋكراينا قاقتىعىسىندا بەيتاراپ ەكەنىن مالىمدەدى.
