ماكرون لۋۆردى جاڭعىرتپاق

استانا. KAZINFORM - فرانسيا پرەزيدەنتى سەيسەنبىدە الەمدەگى ەڭ كوپ باراتىن مۇراجايدى جاڭعىرتۋ ءۇشىن كۇردەلى جوندەۋ جۇرگىزىلەتىنىن مالىمدەدى. ەممانيۋەل ماكروننىڭ باسپا ءسوز ءماسليحاتى «مونا ليزا» قويىلعان زالدا ءوتتى، دەپ حابارلايدى Euronews.

Лувр
Фото: Pixabay

«لۋۆردىڭ جاڭا رەنەسسانسى» دەپ اتالاتىن 10 جىلدىق جوندەۋ جوباسى 2031 - جىلعا قاراي اشىلاتىن سەنا ماڭىنداعى جاڭا كىرەبەرىس پەن جەراستى زالدارىن قۇرۋدى قامتيدى، دەدى ماكرون.

- لۋۆردى جاڭارتۋ جانە كەڭەيتۋ جۇمىستارى ونى ءبىزدىڭ ەلىمىزدە جانە ودان تىس جەرلەردە ونەر تاريحىنىڭ ەپيتسەنترىنە اينالدىرادى. جوسپار ءبىرىنشى كەزەكتە لۋۆرعا بارۋدى تەڭەستىرەتىن جانە پاريجدىكتەردىڭ وعان كىرۋ مۇمكىندىگىن قالپىنا كەلتىرەتىن ۇلكەن جانە ءتيىمدى پەررو كولونناداسى دەڭگەيىندە جاڭا ۇلكەن كىرەبەرىس قۇرۋدى قامتيدى، - دەدى فرانسيا پرەزيدەنتى.

پرەزيدەنت الەمدە كەلۋشىلەر سانى ەڭ كوپ مۇراجايدى جاڭعىرتۋ جوباسىنا بيۋدجەتتىك قاراجاتتىڭ ناقتى كولەمىن جاريالامادى. باعالاۋ بويىنشا، ول 700 مەن 800 ميلليون ەۋروعا دەيىن سومانى قۇرايدى.

لۋۆر سوڭعى رەت 1980 - جىلدارى اتاقتى شىنى پيراميدا اشىلعان كەزدە جوندەلدى. بۇگىندە مۋزەي حالىقارالىق ستاندارتتارعا ساي ەمەس، دەيدى ماماندار.

پرەزيدەنت ماكرون ەۋروپالىق وداقتان تىس كەلۋشىلەر ءۇشىن بيلەت باعاسى 22 ەۋروعا دەيىن كوتەرىلەتىنىن ايتتى. ول مۇراجايدىڭ كەلۋشىلەر ءۇشىن دە، قىزمەتكەرلەر ءۇشىن دە قاۋىپسىز ءارى جايلى بولاتىنىنا ۋادە بەردى.

سونداي-اق ول لەوناردو دا ءۆينچيدىڭ «مونا ليزاسى» لۋۆرداعى بولەك بولمەگە كوشىرىلەتىنىن حابارلادى.

سوڭعى جاڭالىقتار