ماجىلىستە بۇرالقى يتتەردى اتۋ ماسەلەسى دە تالقىلانىپ جاتىر

ит
Фото: Pixabay

استانا. KAZINFORM - ەكولوگيا جانە تابيعي رەسرۋستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى اندرەي كيم ماجىلىسكە تۇسكەن زاڭ جوباسىندا بۇرالقى يتتەردى اتۋ ماسەلەسى دە تالقىلانىپ جاتقانىن ايتتى.

«بۇعان دەيىن زاڭ ءۇيسىز جانۋارلاردىڭ سانىن رەتتەۋدە اتۋعا مۇلدەم تىيىم سالاتىن. قازىر وسى توڭىرەكتەگى زاڭناما وزگەرىستەرى قانداي ساتىدا؟ قانداي باپتار قالىپ، قانداي باپتار الىنۋى مۇمكىن؟» دەپ سۇرادى ب ا ق وكىلى.

كوميتەت وكىلىنىڭ ايتۋنىشا، ماجىلىستە ءۇيسىز جانۋارلاردىڭ تاعدىرىنا قاتىستى بىرنەشە ۇسىنىس قارالىپ جاتىر.

«تۇزەتۋ تالقىلانىپ جاتىر. قازىرگى تاڭدا ءماجىلىس تۇزەتۋلەر پاكەتىن قابىلداپ الدى. سونداي- اق، سەنات تاراپىنان باستامالار بار. جانۋارلارعا جاۋاپكەرشىلىكپەن قاراۋ باعىتىندا ءتۇرلى تۇجىرىمدامالار بار. ونىڭ ىشىندە قايتارىمسىز اۋلاۋ بويىنشا دا، «اۋلاۋ، زالالسىزداندىرۋ، ۆاكتسينالاۋ، قايتا بوساتۋ» باعدارلاماسى جونىندە دە ۇسىنىستار بار. قازىر ناقتى قاي ۇسىنىس زاڭعا ەنگىزىلەتىنىن ايتا المايمىز. زاڭ جوباسى پارلامەنتتە جاتىر»، - دەدى اندرەي كيم.

سوڭعى جاڭالىقتار