21:25, 31 - شىلدە 2024 | GMT +6
ماجبۇرلەپ ورىنداۋ كوميتەتى قۇرىلدى - ادىلەت مينيسترلىگى
استانا. KAZINFORM - ەلىمىزدە ەندى ماجبۇرلەپ ورىنداۋ كوميتەتى قۇرىلدى. بۇل تۋرالى و ك ق الاڭىندا وتكەن ق ر ادىلەت مينيسترلىگىنىڭ باسپا ءسوز كونفەرەنسياسىندا ايتىلدى.
ادىلەت ۆيتسە-ءمينيسترى دانيەل ۆايسوۆتىڭ ايتۋىنشا، ەندى دەربەس ۆەدومستۆو ازاماتتاردىڭ بۇزىلعان قۇقىقتارىن قالپىنا كەلتىرۋ، ونىڭ ىشىندە شاعىمداردى قاراۋ جانە ولاردى قابىلداۋدى جۇزەگە اسىرۋ بارىسىندا جەدەل شەشىم قابىلداۋعا قۇقىلى.
«كوميتەت ۆەدومستۆوارالىق ىنتىماقتاستىقتى جۇزەگە اسىرۋعا، نورماتيۆتىك-قۇقىقتىق اكتىلەر مەن ادىستەمەلىك قۇرالداردى بەكىتۋگە، ىنتىماقتاستىق تۋرالى، ونىڭ ىشىندە حالىقارالىق ۇيىمدارمەن جانە ت. ب. مەموراندۋمدار جاساۋعا قۇقىلى»، - دەدى سپيكەر و ك ق الاڭىندا وتكەن باسپا ءسوز كونفەرەنسياسىندا.
اۆتور
باقىتگۇل اباي قىزى
