مادەنيەت مينيسترلىگى كينوتەاترلارعا تەكسەرۋ ۇيىمداستىرا الا ما - بالايەۆا جاۋابى

- مينيسترلىكتىڭ فۋنكتسيالارىندا جەكە كاسىپكەرلىك سۋبەكتىلەرى سانالاتىن كينوتەاترلاردىڭ قىزمەتىن باقىلاۋ جونىندەگى وكىلەتتىك جوق. سونداي-اق كاسىپكەرلىك كودەكسىنە سايكەس كاسىپكەرلىك سۋبەكتىلەرىنىڭ مەنشىگىنە قول سۇعىلماۋشىلىق قاعيداتىنا كەپىلدىك بەرىلەدى جانە مەملەكەتتىڭ كاسىپكەرلىك سۋبەكتىلەرىنىڭ ىستەرىنە زاڭسىز ارالاسۋىنا تىيىم سالىنادى. وسىعان بايلانىستى مينيسترلىك كينوتەاترلارعا كەشەندى تەكسەرۋدى ۇيىمداستىرا المايدى، - دەدى ۆيتسە-پرەمەر.

ونىڭ دەرەگىنشە، بۇگىندە ەلىمىزدە 404 كينوزالى بار 100 گە جۋىق كينوتەاتر جۇمىس ىستەيدى. ال دامىعان ەلدەر دەڭگەيىندە كينونىڭ قولجەتىمدىلىگىن قامتاماسىز ەتۋ ءۇشىن قاجەتتىلىك 2000 زالعا باعالانادى.

- كينوتەاترلاردىڭ باسىم كوپشىلىگى ءىرى قالالاردا ورنالاسقان جانە وڭىرلەردە، شاعىن قالالار مەن اۋىلداردا جوق. سوڭعى 5 جىلدا وتاندىق فيلمدەرگە دەگەن جوعارى سۇرانىسقا قاراماستان زالدار سانى وسكەن جوق، - دەدى ول.

ۆيتسە-پرەمەر مالىمەتىنشە، جىلىنا ەلىمىزدىڭ كينوتەاترلارىندا 400 گە جۋىق فيلم كورسەتىلەدى. ونىڭ ىشىندە 2021 – 31، 2022 – 60، 2023 – 79، 2024 – 94، 2025-103 قازاقستان كينوسى بار.

- فرانسيادا (68 ميلليون حالقى بار) شامامەن 7000 كينوتەاتر جۇمىس ىستەيدى. ورتا ەسەپپەن 10 مىڭ تۇرعىنعا 1 زالدان كەلەدى. ولار قۇرىلىستى مەملەكەتتىك قولداۋدىڭ ارقاسىندا وسىنداي دەڭگەيگە قول جەتكىزىلگەن، - دەدى ايدا بالايەۆا.

بۇعان دەيىن قازاقستاننىڭ انتالياداعى باس كونسۋلدىعىنىڭ باستاماسىمەن، قازاقستان مادەنيەت جانە اقپارات مينيسترلىگى مەن شاكەن ايمانوۆ اتىنداعى «قازاق فيلم» كينوستۋدياسىنىڭ قولداۋىمەن قازاق كينوسىنىڭ كۇندەرى انتاليادا وتكەنىن جازعان ەدىك.