18:41, 23 - ءساۋىر 2021 | GMT +6
الماتىدا ەسىرتكىمەن ۇستالعان Madmen توبىنىڭ مۇشەلەرى 15 جىلعا سوتتالۋى مۇمكىن
الماتى. قازاقپارات - الماتىدا ۇستالعان ەسىرتكى ساتۋشىلار اراسىندا تانىمال Q-pop ورىنداۋشىلارى - Madmen توبىنىڭ مۇشەلەرى بولعانى بەلگىلى. ەگەر ولاردىڭ قىلمىسى دالەلدەنسە 15 جىلعا سوتتالۋى مۇمكىن، دەپ حابارلايدى قازاقپارات ءتىلشىسى.
«قازىر ولارعا قاتىستى قاماۋعا الۋ شاراسى قابىلداندى. ءىس ق ر ق ك- ءنىڭ 297-بابى 3-بولىگى بويىنشا (ەسىرتكى زاتتارىن اسا ءىرى مولشەردە زاڭسىز ساقتاۋ جانە ساتۋ) قارالىپ جاتىر. ەگەر كۇدىكتىلەردىڭ كىناسى دالەلدەنسە، وندا ولار مۇلكىن تاركىلەۋمەن 10 جىلدان 15 جىلعا دەيىنگى مەرزىمگە باس بوستاندىعىنان ايىرىلادى»، - دەپ ءتۇسىندىردى پوليتسيا.
بۇعان دەيىن، الماتىدا سينتەتيكالىق ەسىرتكىنى دايىنداپ، ساتتى دەگەن كۇدىكپەن ۇستالعان 10 ادامنىڭ 2-ەۋى اتالعان شىعارماشىلىق توپقا قاتىسى بار ەكەنى تۋرالى جازعان بولاتىنبىز.
اۆتور: الما مۇقانوۆا