ماڭعىستاۋلىقتار ۇشاق اپاتىنان زارداپ شەككەن 9 رەسەيلىك ازاماتتى ماسكەۋگە شىعارىپ سالدى
اقتاۋ. KAZINFORM - كۇنى كەشە اقتاۋعا رەسەيدەن ۇشاق اپاتىنان زارداپ شەككەندەرگە كومەكتەسۋ ءۇشىن مەديتسينا قىزمەتكەرلەر مىنگەن بورت ۇشىپ كەلگەن بولاتىن. بۇگىن ولار ءتۇرلى دەڭگەيدەگى جاراقات العان 9 وتانداسىمەن بىرگە ەلدەرىنە قايتتى.
ماڭعىستاۋ وبلىسى اكىمدىگىنىڭ مالىمەتىنشە، رەسەيلىك دەلەگاتسيانى اقتاۋ قالاسىنىڭ اكىمى ءابىلقايىر بايپاقوۆ باستاعان قازاقستان حالقى اسسامبلەياسىنىڭ مۇشەلەرى، ەل اقساقالدارى مەن جاستار اق تىلەكتەرىن ايتىپ، شىعارىپ سالدى.
ايتا كەتەيىك، جاراقات العانداردىڭ بارلىعىنا اقتاۋداعى اۋرۋحانالاردا قاجەتتى مەديتسينالىق كومەك كورسەتىلىپ جاتىر. سونداي-اق اقتاۋدا ۆيتسە-پرەمەر ق. بوزىمبايەۆ باستاعان ۇكىمەتتىك كوميسسيا جۇمىس ىستەپ جاتىر.
ماڭعىستاۋ وبلىسىنىڭ اكىمى ن. قيلىباي قازا تاپقاندار مەن زارداپ شەككەندەردىڭ وتباسىلارىنا مەملەكەت تاراپىنان ءتيىستى قولداۋ كورسەتىلەنىن ايتتى.
ەسكە سالساق، ازەربايجان ەلورداسى باكۋدەن رەسەيدىڭ گروزنىي قالاسىنا باعىت العان Azerbaijan Airlines ۇشاعى قازاقستان اۋماعىندا اپاتقا ۇشىرادى.
اۆتور
ەلميرا ورالبايەۆا
