ماڭعىستاۋداعى «قىزىلساي» تابيعي پاركىندە ارقار مەن قاراقۇيرىق سانى كوبەيدى

арқар
Фото: «Қызылсай» мемлекеттік өңірлік табиғи паркі

  ماڭعىستاۋدا «قىزىلساي» مەملەكەتتىك وڭىرلىك تابيعي پاركىنىڭ قورعاۋىنداعى ارقار، قاراقۇيرىق باسى 18 پايىزعا كوبەيىپ، اڭدار مەن قۇستار ءۇشىن دالاداعى 52 بۇلاقتىڭ كوزى اشىلعان.

بۇل تۋرالى « قىزىلساي» مەملەكەتتىك وڭىرلىك تابيعي پاركىنىڭ ديرەكتورى مالىمدەدى.

ماڭعىستاۋ اۋدانى اكىمدىگىنىڭ باسپا ءسوز قىزمەتىنىڭ مالىمەتىنشە، مەملەكەتتىك- وڭىرلىك، تابيعي پاركىنىڭ نەگىزگى مىندەتى — جانۋارلار مەن وسىمدىكتەر دۇنيەسىن قورعاۋ جانە ءوسىمىن مولايتۋعا باعىتتالىپ وتىر. قىزىلساي پاركىنىڭ قۇرامىنا «تاسورپا»، «ماناشى»، «جابايۇشقان»، «ادامتاس» مەملەكەتتىك تابيعي قاۋمالدارى مەن قىزىلساي پاركى كىرەدى.

табиғи қорық
Фото: «Қызылсай» мемлекеттік өңірлік табиғи паркі

«جۇزگە جۋىق ادام ەڭبەك ەتەتىن مەكەمەگە 2023 -جىلى 6 جاڭا (پاتريوت ۋاز) اۆتوكولىك بەرىلدى. قۇرامىندا عىلىمي، تەحنيكالىق، قارجىلىق، ءورت قاۋىپسىزدىگى بولىمدەرى بار نىساننىڭ جاڭا تەحنيكامەن تولىعۋى تابيعات، وسىمدىك، اڭ، قۇستاردى قورعاۋ، تولىقتىرۋ، كوبەيتۋ جۇمىستارىنا كۇندەلىكتى قاجەت»، - دەيدى «قىزىلساي» مەملەكەتتىك وڭىرلىك تابيعي پاركىنىڭ باسشىسى م. قاراتاۋوۆ.

ونىڭ ايتۋىنشا، ەرەكشە قورعاۋعا الىنعان ارقار، قاراقۇيرىقتىڭ باسى كوبەيۋى مەن بۇلاقتاردىڭ كوزىن اشۋدا مەملەكەتتىك ينسپەكتورلاردىڭ تىنىمسىز ەڭبەگىنىڭ ۇلەسى زور بولىپ وتىر.

سوڭعى جاڭالىقتار