ماڭعىستاۋدا ولگەن يتبالىقتاردىڭ سانى 300 گە جۋىقتادى
اقتاۋ. KAZINFORM -كاسپي جاعالاۋىنا شىعىپ قالعان ءولى يتبالىقتاردىڭ سانى ارتۋدا. 24-29-قازان ارالىعىندا كاسپي تەڭىزىنىڭ جاعالاۋىندا جۇرگىزىلگەن مونيتورينگ كەزىندە 289 يتبالىقتىڭ ولەكسەسى تابىلدى.
تەڭىز جاعاسىنداعى مونيتورينگ جۇمىستارىن جايىق- كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى گيدروبيولوگيا جانە ەكولوگيا ينستيتۋتىنىڭ وكىلدەرىمەن بىرلەسىپ جاسادى.
ماڭعىستاۋ وبلىستىق بالىق شارۋاشىلىعى ينسپەكتسياسى باسشىسىنىڭ مىندەتىن اتقارۋشى اندرەي رۋتسكيدىڭ ايتۋىنشا، جاعالاۋ ايماعىنىڭ مونيتورينگى جالعاسۋدا.
«جەرگىلىكتى اتقارۋشى ورگاندار مەن گيدروبيولوگيا جانە ەكولوگيا ينستيتۋتىنىڭ، Qazaq balyk رەسپۋبليكالىق بالىق شارۋاشىلىعى جانە اكۆامادەنيەت قاۋىمداستىعى فيليالىنىڭ وكىلدەرى سول جەرگە جۇمىس ىستەپ جاتىر. يتبالىقتاردىڭ ءولىمىنىڭ سەبەپتەرى ءتيىستى زەرتحانالىق زەرتتەۋلەر جۇرگىزىلگەننەن كەيىن بەلگىلى بولادى»، - دەيدى ول.
بۇعان دەيىن، كاسپيدىڭ جاعالاۋىنان 100 دەن اسا يتبالىقتىڭ ولەكسەسى تابىلعانى تۋرالى جازعان بولاتىنبىز.
