ماڭعىستاۋدا تۇماۋ ماۋسىمى باستالعالى ءبىر كورونوۆيرۋس جاعدايى انىقتالعان

تۇماۋ اۋرۋلارىنىڭ ەپيدەميولوگيالىق ماۋسىمى 2023-جىلدىڭ 1- قازانىنان باستالدى. ماڭعىستاۋ وبلىسىندا وسى ارالىقتا ءبىر كورونوۆيرۋس جاعدايى انىقتالعان، دەپ حابارلايدى Kazinform.

- تۇماۋ ەمەس ينفەكسيالارعا پوليمەرازدى تىزبەك ادىسىمەن 102 ادام تەكسەرىلىپ، 39 جاعداي وڭ ناتيجە بەردى. ونىڭ ىشىندە ادەنوۆيرۋس – 9، ر س – 15، پاراگريپپ 3 – 1، پاراگريپپ 4-1، رينوۆيرۋس – 11، كورونوۆيرۋس - 1 جانە مەتاپنيەۆموۆيرۋستىفڭ 1 جاعدايى انىقتالدى، - دەدى ماڭعىستاۋ وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتىنەن.

ەپيدەميولوگيالىق ماۋسىمدا تۇماۋ اۋرۋلارىنا قارسى ەگۋ جۇمىستارى جۇرگىزىلىپ جاتىر. وبلىس تۇرعىندارىنىڭ 10 پايىزىن ەگۋ جوسپارلانعان.