ماڭعىستاۋدا حالىقارالىق اسكەري جاتتىعۋلار باستالدى
اقتاۋ. KAZINFORM - اقتاۋعا «بىرلەستىك-2024» جەدەل-تاكتيكالىق كوماندالىق-شتابتىق وقۋ جاتتىعۋىنا قاتىساتىن قىرعىزستان، وزبەكستان، ازەربايجان جانە تاجىكستان ەلدەرىنىڭ اسكەري قىزمەتشىلەرى كەلدى.
قازاقستان رەسپۋبليكاسى قورعانىس مينيسترلىگى اقتاۋ گارنيزونى باسپا ءسوز قىزمەتىنىڭ حابارلاۋىنشا، ماڭعىستاۋعا ات باسىن تىرەگەن شەت ەلدىك اسكەريلەردىڭ ءبىر بولىگى اۋە كەمەسىمەن، ەندى ءبىر بولىگى كاسپي تەڭىزى ارقىلى كەلگەن.
حالىقارالىق «بىرلەستىك-2024» جەدەل-تاكتيكالىق كوماندالىق-شتابتىق وقۋ جاتتىعۋى شىلدەنىڭ 8-17 ارالىعىندا وتەدى. جاۋىنگەرلىك مىندەتتەردى ورىنداۋ بويىنشا بىرىككەن ءىس-قيمىلدار «ويماشا» پوليگونىنىڭ اۋماعىندا سونداي-اق، قاراقيا اۋدانى توقماق مۇيىسىنەن ەكى شاقىرىم جەردەگى تەڭىز ۋچاسكەسىندە بولادى. وقۋ-جاتتىعۋ كەزىندە 5 ەلدىڭ اسكەري كونتينگەنتتەرى قارۋلى قاقتىعىستى وقشاۋلاۋ بويىنشا بىرلەسكەن وپەراتسيا دايىنداپ، جۇرگىزەدى. وعان 4 مىڭعا جۋىق اسكەري قىزمەتشى جانە 700 گە جۋىق قارۋ-جاراق پەن اسكەري تەحنيكا جۇمىلدىرىلماق.
