20:27, 11 - ماۋسىم 2024 | GMT +5
ماڭعىستاۋدا دومبىراشىلار ءانسامبلى حالىقارالىق فەستيۆالدىڭ باس جۇلدەسىن يەلەندى
اقتاۋ. KAZINFORM - بەينەۋ اۋدانى سارعا اۋىلىنداعى ورتا مەكتەپتىڭ «دومبىرا- داستان» دومبىراشىلار ءانسامبلى الماتى قالاسىندا وتكەن «جاز داۋرەن» حالىقارالىق فەستيۆالىنىڭ باس جۇلدەسىن (گران پري) جەڭىپ الدى.
دومبىراشىلار ءانسامبلى بۇعان دەيىن اقتاۋ قالاسىندا بۇلدىرشىندەر، مەكتەپ وقۋشىلارى مەن جاسوسپىرىمدەر اراسىندا ۇيىمداستىرىلعان «ماڭعىستاۋ تالانتتارى» وبلىستىق بايقاۋىندا جۇلدەلى 1-ورىن يەلەنىپ، رەسپۋبليكالىق دوداعا جولداما العان بولاتىن. ونەرپازدار ەندى استانا قالاسىندا وتەتىن سۋپەرفينالدا باق سىنايدى.
انسامبل قۇرامىندا سۇلتان اقمارمار، كارىم باعلان، قارامان ايدوس، سۇلتان ارىستان، ءساۋىرعالي جانكەلدى جانە سۇلتان قىرىمبەك ونەر كورسەتتى. ال، ونەرپازدارعا گۇلبانۋ امانبايەۆا جەتەكشىلىك ەتتى.
