ماڭعىستاۋدا اپتا ىشىندە جيىرمادان استام ءورت وقيعاسى تىركەلدى

اقتاۋ. KAZINFORM - ماڭعىستاۋدا 29-قاڭتار مەن 4-اقپان ارالىعىندا وبلىستىق ت ج د ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنىڭ بولىمشەلەرى دابىل بويىنشا 24 وقيعاعا قاتىستى.

ءوڭىردىڭ ت ج د ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنىڭ قوعاممەن بايلانىس توبىنىڭ مالىمەتىنشە، ءبىر اپتا ىشىندە 6 ءورت، 8 جانۋ جاعدايلارى، 10 رەت قۇتقارۋ جۇمىستارى تىركەلگەن.

 2024 -جىلى 4-كۇنى جاڭاوزەن قالاسىندا ءوندىرىستىڭ ايماقتاعى «قازمۇناي گاز» ا ق-نا قاراستى №93-توپتىق قوندىرعىنىڭ №4774-ۇڭعىماسىندا شۇڭقىر ىشىندەگى مۇناي قالدىقتارىنىڭ ورتەنۋى تىركەلدى. وقىس جاعدايدان زارداپ شەككەندەر جوق.

 2024 -جىلى 4-كۇنى كەشكى ۋاقىتتا بەينەۋ اۋدانىنىڭ ورتالىعىندا م. مامەتوۆا كوشەسىندەگى ءۇي اۋلاسىنداعى 2 بولمەلى سارايدان ءورت شىقتى. جالىن جالپى اۋدانى 40 ش/م شارپىپ، سونىڭ سالدارىنان سارايعا جاپسارلانا سالىنعان كورشى ءۇيدىڭ گاراجىنىڭ شاتىرى جارتىلاي جانىپ كەتتى. جانعان اۋماق 16 ش/م قامتىپ، زارداپ شەككەندەر تىركەلمەدى.

2024 -جىلى 4-كۇنى كەشكە قاراقيا اۋدانىنىڭ جەتىباي اۋىلىندا جاڭاقۇرىلىس كوشەسىندە 9 بولمەلى ءۇيدىڭ ءبىر بولمەسىن وتقا وراندى. 6 ش/م اۋماق جانىپ، جالپى اۋدانى 252 ش/م-گە تارالدى. ورتتەن زارداپ شەككەندەر جوق.

وسى ورايدا ءورت سوندىرۋشىلەر قاراپايىم قاۋىپسىزدىك شارالارىن ساقتاۋدى ەسكەرتىپ وتىر.

- سوندىرىلمەگەن تەمەكىلەر مەن سىرىڭكەلەردى قالدىرماۋعا؛
- ەلەكتر سىمدارى مەن اسپاپتارىنىڭ جارامدىلىعىن قاداعالاۋ؛
- ەلەكتر جەلىلەرىن شامادان تىس جۇكتەمەۋ؛
- تەك جارامدى ەلەكتر جانە گاز جابدىقتارىن پايدالانۋ؛
- بالالاردى قاراۋسىز قالدىرماۋ.

اۆتور
جانكەلدى قارجان