ماڭعىستاۋدا افروامەريكالىق ءبۇلدىرشىن مەملەكەتتىك رامىزدەرمەن تانىستى

 اقتاۋ. KAZINFORM - مەملەكەتتىك رامىزدەر كۇنى تەڭگە اۋىلىنداعى «ايبولات» بالاباقشاسىندا مەرەكەلىك شارا ءوتتى.

афроамерикалық бала
Фото: Маңғыстау облыстық қоғамдық коммуникациялар орталығы

بۇلدىرشىندەرگە مەملەكەتتىك رامىزدەردى تانىستىرىپ، ۇلتتىق نىشاندارعا سۇيىسپەنشىلىگىن ارتتىرۋ ماقساتىندا ۇيىمداستىرىلعان شارادا اداي ەسىمدى افرومەريكالىق ءبۇلدىرشىننىڭ پاتريوتتىق سەزىمىن ەرەكشە اتاپ وتۋگە بولادى.

ول باسقا بالالارمەن بىرگە ءانۇراندى بار ىنتاسىمەن شىرقاپ، مەملەكەتتىك تۋمەن تانىستى.

ايتا كەتەيىك، 2021 -جىلى الەمدى كوروناۆيرۋس ىندەتى شارپىعان ۋاقىتتا جاڭاوزەن قالاسىنداعى پەرزەنتحانادا افروامەريكالىق ءسابي دۇنيەگە كەلگەن بولاتىن. وعان «اداي» دەپ ات قويىلدى.

Мальчик афроамериканец ознакомился с государственными символами в Мангистау
Фото: РСК

ول تۋرالى Kazinform «قازاقتىڭ سالتىمەن تاربيەلەنىپ جاتقان اداي قازاقستاننىڭ ازاماتتىعىن العىسى كەلەدى»، دەگەن تاقىرىپتا ماتەريال جاريالاعان ەدى.

بۇگىندە 3 جاسار اداي تەڭگە اۋىلىنداعى «ايبولات» بالاباقشاسىنىڭ كىشى توبىندا تاربيەلەنۋدە. اكەسى فرايدەي ادەرە مەن اناسى مەرسي ادەرە ءتىل ۇيرەنۋ كۋرستارىندا اعىلشىن تىلىنەن ساباق بەرەدى.

سوڭعى جاڭالىقتار