21:57, 21 - قاڭتار 2025 | GMT +5
ماڭعىستاۋدا 15 جاسار بالانى تالاعان ءيتتىڭ يەسى تابىلدى
اقتاۋ. KAZINFORM — ءتۇپقاراعان اۋداندىق پوليتسيا ءبولىمىنىڭ كەزەكشىسىنە 102 ءنومىرى ارقىلى اقشۇقىر ەلدى مەكەنىنىڭ 13-شاقىرىمىندا 15 جاستاعى بالانى ءيت تالاعانى جونىندە حابارلاما تۇسكەن.

يۋۆەنالدى پوليتسيا توبىنىڭ ينسپەكتورلارى وقيعا بولعان جەرگە بارىپ، ءمان-جايدى انىقتاپ، بالانىڭ اتا-اناسىنا حابار بەرگەن.
— ءيتتىڭ يەسى تابىلىپ، وعان «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى» كودەكستىڭ 407-بابىنا سايكەس اكىمشىلىك حاتتاما جاساقتالدى. سوعان سايكەس، 10 ا ە ك كولەمىندە ياعني، 39,320 تەڭگە ايىپپۇل سالىندى، — دەلىنگەن حابارلامادا.
ايتا كەتەيىك، بۇگىن 15 جاسار وقۋشىنى ءيت تالاپ، اۋرۋحاناعا تۇسكەنىن حابارلاعان بولاتىنبىز.
سونداي-اق، ەلوردادا 19 جاستاعى جىگىت اتىلىپ قالعانىن جازعان ەدىك.