ماڭعىستاۋعا بيىل ءۇش مىڭعا جۋىق قانداس كوشىپ كەلگەن
بيىل ماڭعىستاۋ وبلىسىنا ءۇش مىڭعا جۋىق قانداس كوشىپ كەلگەن. ماڭعىستاۋ قابىلداۋ وڭىرىنە جاتپايتىندىقتان ولارعا ەشقانداي قولداۋ شارالارى مەن جەڭىلدىكتەر جاسالماعان، دەپ حابارلايدى Kazinform.
«قانداستاردىڭ ۆيزالارىندا سولتۇستىك وڭىرلەر بەلگىلەنگەن. سوندىقتان الىس-جاقىن شەتەلدەن كەلگەندەر سول وڭىرلەرگە بارىپ تۇرۋى كەرەك. ماڭعىستاۋ قابىلداۋ وڭىرىنە جاتپايتىندىقتان، مەملەكەت تاراپىنان بىزدە ەشقانداي قولداۋ جوق. كوشىپ كەلۋشى قانداستارعا دا، شەتەلدىكتەرگە دە جانە قازاقستاننىڭ وزگە وڭىرلەرىنەن كوشىپ كەلەمىن دەۋشى ازاماتتارعا دا جەڭىلدىك قاراستىرىلماعان»، - دەدى ماڭعىستاۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى دوسان جەتكىزگەن.
ايتا كەتسەك، جىل باسىنان بەرى وزگە وڭىرلەرگە ەرىكتى تۇردە 157 ماڭعىستاۋلىق قونىس اۋدارعان. ولار نەگىزىنەن اقمولا، سولتۇستىك قازاقستان وبلىستارىنا كوشكەن.
