ماڭعىستاۋ وبلىسىنا جىلىوي اۋدانىنان 9 مىڭعا جۋىق ادام ەۆاكۋاتسيالاندى
اقتاۋ. KAZINFORM - ماڭعىستاۋ وبلىسى ت ج د بۇگىنگى جاعداي بويىنشا اتىراۋ وبلىسى جىلىوي اۋدانىنىڭ قۇلسارى قالاسى مەن ەلدى مەكەندەرىنەن ماڭعىستاۋ وبلىسىنا 8738 ادام ەۆاكۋاتسيالانعانىن مالىمدەدى.
توتەنشە جاعدايدا كوشىرىلگەن تۇرعىندار 18 ۋاقىتشا ورنالاستىرۋ پۋنكتىندە (1160 ادام، ونىڭ ىشىندە 501 بالا) جانە تۋىستارى مەن تانىستارىنىڭ اراسىندا (7538 ادام) جەكە ۇيلەر بويىنشا قونىستانعان.
وڭىرلىك قوعامدىق كوممۋنيكاتسيا ورتالىعىنىڭ مالىمەتىنشە، وبلىس بويىنشا بارلىعى 201 ۋاقىتشا ورنالاستىرۋ پۋنكتى ەۆاكۋاتسيالانعان حالىقتى قابىلداۋعا دايىن تۇر. اتالعان پۋنكتتەر 83042 ادامدى قابىلداۋعا قاۋقارلى.
وسى ورايدا ماڭعىستاۋدا سۋ تاسقىنىنان زارداپ شەككەن اتىراۋ وبلىسىنىڭ تۇرعىندارىن قابىلداۋ جالعاسىپ جاتىر.
بۇعان دەيىن اقپاراتتىق قولداۋ كورسەتۋ جانە تاۋلىك بويى كومەك كورسەتۋ ءۇشىن «جەدەل جەلى» تەلەفوندارى جۇمىس ىستەيتىنى حابارلانعان بولاتىن:
701707 جانە 701708.
بەينەۋ اۋدانى بويىنشا:
87293222041
87293225423.
