ەلىمىزدە اۋا رايىنا بايلانىستى داۋىلدى ەسكەرتۋ جاريالاندى
استانا. KAZINFORM - «قازگيدرومەت» ر م ك بۇگىن، 10-مامىردا داۋىلدى ەسكەرتۋ جاريالاپ، ەلىمىزدىڭ بارلىق وڭىرىندە اۋا رايىنىڭ كۇرت ناشارلايتىنىن مالىمدەدى.
سينوپتيكتەردىڭ مالىمەتىنشە، استانا، الماتى، شىمكەنت قالالارىندا جانە بارلىق 17 وبلىستا نايزاعاي، قاتتى جاڭبىر، بۇرشاق، داۋىل جانە ەكپىندى جەل كۇتىلەدى.
استانادا اۋا تەمپەراتۋراسى كۇندىز 12-14 گرادۋسقا دەيىن تومەندەپ، 11-مامىرعا قاراعان ءتۇنى توپىراق بەتىندە ۇسىك كۇتىلەدى.
الماتىدا جاڭبىر مەن نايزاعاي بولجانىپ وتىر، كەي جەرلەردە قاتتى جاڭبىر مەن بۇرشاق ءتۇسۋى مۇمكىن. جەلدىڭ ەكپىنى 15- 20 م/س-قا دەيىن جەتەدى.
شىمكەنتتە دە نايزاعايمەن بىرگە قاتتى جاڭبىر كۇتىلەدى. تۇركىستان، جامبىل جانە قىزىلوردا وبلىستارىندا دا اۋا رايى تۇراقسىز بولىپ، كەي جەرلەردە داۋىل مەن شاڭدى داۋىل بولجانعان.
سولتۇستىك جانە شىعىس وڭىرلەردە - قاراعاندى، پاۆلودار، شىعىس قازاقستان، اباي جانە اقمولا وبلىستارىندا جاڭبىر، نايزاعاي، بۇرشاق جانە قاتتى جەل كۇتىلەدى.
باتىس وڭىرلەردە - ماڭعىستاۋ، اتىراۋ جانە باتىس قازاقستان وبلىستارىندا دا جاڭبىر مەن نايزاعاي بولادى، كەي جەرلەردە تۇمان تۇسەدى.
«قازگيدرومەت» تۇرعىنداردى اۋا رايىنىڭ قولايسىزدىعىنا بايلانىستى ساقتىق شارالارىن ساقتاۋعا شاقىردى. اسىرەسە اشىق اۋادا جۇمىس ىستەيتىندەر مەن كولىك جۇرگىزۋشىلەرىنە ەرەكشە نازار اۋدارۋ ۇسىنىلدى.
