ليۆيت: ۆاشينگتون بەيجىڭگە سالىناتىن باج سالىعىن تومەندەتپەيدى

استانا. KAZINFORM — ا ق ش- تىڭ قىتايدان كەلەتىن ونىمدەرگە كەدەندىك باج سالىعىن ءبىرجاقتى تومەندەتۋ نيەتتى جوق. كەرىسىنشە، ۆاشينگتون بەيجىڭنىڭ تاريفتەردى ازايتىپ، ساۋدا كەدەرگىلەرىن الىپ تاستاعانىن كۇتىپ وتىر.

 بۇل تۋرالى Fox News ارناسىنا بەرگەن سۇحباتىندا اق ءۇيدىڭ باسپا ءسوز حاتشىسى كەرولاين ليۆيت مالىمدەدى، دەپ جازادى Report.

- قىتايعا ءبىرجاقتى تاريفتىك جەڭىلدىكتەر بولمايدى. پرەزيدەنت قىتايدىڭ ا ق ش-پەن كەلىسىم جاساۋى قاجەت ەكەنىن ءتۇسىندىردى. قىتاي ءۇشىن تاريفتەردىڭ قانداي بولاتىنىن پرەزيدەنت شەشەدى، ءبىراق ءبىز قىتاي تاراپىنىڭ تاريفتەردى تومەندەتكەنىن جانە ساۋدا كەدەرگىلەرىن الىپ تاستاعانىن كورۋىمىز كەرەك، - دەدى ول.

ايتا كەتەيىك، قىتاي ا ق ش باج سالىعىن اينالىپ ءوتۋ ءۇشىن ءوز تاۋارلارىن وڭتۇستىك كورەيا ءونىمى رەتىندە كورسەتىپ جاتقانىن جازدىق.

سونداي-اق، قىتاي ا ق ش-تان سۇيىتىلعان تابيعي گاز ساتىپ الۋدى توقتاتتى.

ا ق ش پەن قىتاي ساۋدا كەلىسىمىنە 3-4 اپتادا قول جەتكىزە الادى دەگەن بولجام بار.