13:47, 05 - مامىر 2024 | GMT +6
ليونەل مەسسي MLS تە ەكى جاڭا رەكورد ورناتتى
استانا. KAZINFORM - «ينتەر مايامي» كومانداسىنىڭ ارگەنتينالىق شابۋىلشىسى ليونەل مەسسي «نيۋ- يورك رەد بۋللز» كلۋبىمەن وتكەن ويىننان (6:2) كەيىن MLS تە ەكى رەكورد ورناتتى.
بۇل كەزدەسۋدە مەسسي ءبىر گول سوعىپ، بەس ناتيجەلى پاس بەردى.
وسىلايشا مەسسي MLS تاريحىنداعى ءبىر ماتچتا بەس ناتيجەلى پاس بەرگەن العاشقى ويىنشى بولدى. ول سونىمەن قاتار ءبىر ويىندا التى ۇپاي جيناعان العاشقى MLS فۋتبولشىسى اتاندى.
ەستەرىڭىزگە سالا كەتەيىك، بۇل كەزدەسۋدە ۋرۋگۆايلىق شابۋىلشى لۋيس سۋارەس حەت- تريك جاساعان بولاتىن. سۋارەس تە ناتيجەلى پاس بەردى.
