08:27, 29 - اقپان 2024 | GMT +6
ۇلىتاۋ وبلىسىندا بىرنەشە شەنەۋنىكتىڭ ۇستىنەن ءىس قوزعالدى
جەزقازعان. KAZINFORM - ۇلىتاۋ وبلىسىنىڭ پروكۋراتۋراسى پروكۋروردىڭ زاڭدى تالاپتارىن ورىنداماۋ، پروكۋروردى حاباردار ەتپەۋ جانە پروكۋرورلىق قاداعالاۋ اكتىلەرىندە كورسەتىلگەن زاڭدىلىقتىڭ بۇزىلۋىن جويۋ تۋرالى شارالاردى قابىلداماۋ فاكتىلەرى بويىنشا 12 اكىمشىلىك قۇقىق بۇزۋشىلىق تۋرالى ءىس قوزعادى.
ءمالىم بولعانداي، تەكسەرىستىڭ ناتيجەسىندە سوتپەن ۇلىتاۋ وبلىسى اكىمىنىڭ ەكى ورىنباسارى، جەزقازعان اكىمى، ۇلىتاۋ اۋدانى اكىمىنىڭ مىندەتىن اتقارۋشى، جەزقازعان جانە ساتبايەۆ قالالارى اكىمدەرىنىڭ ورىنباسارلارى، ءبىلىم جانە دەنساۋلىق ساقتاۋ باسقارمالارىنىڭ باسشىلارى، سونداي-اق ۇلىتاۋ وبلىسى بويىنشا مەملەكەتتىك كىرىستەر دەپارتامەنتى باسشىسى مىندەتىن اتقارۋشى اكىمشىلىك جاۋاپقا تارتىلدى.
