ەليسەي سارايى پاريجدە ۋكراينا بويىنشا وتكەن كەلىسسوزگە وڭ باعا بەردى

استانا. KAZINFORM - ەليسەي سارايىنىڭ مالىمدەۋىنشە، بەيسەنبى كۇنى پاريجدە ا ق ش- تىڭ جوعارى لاۋازىمدى وكىلدەرىنىڭ قاتىسۋىمەن وتكەن ۋكراينا بويىنشا تالقىلاۋ «وتە تاماشا» ءوتتى، دەپ حابارلايدى Kazinform مەنشىكتى ءتىلشىسى.

ءبىر كۇن بۇرىن فرانسيا پرەزيدەنتى ەممانيۋەل ماكرون پاريجدەگى ەليسەي سارايىندا ا ق ش مەملەكەتتىك حاتشىسى ماركو رۋبيونى قابىلدادى.

فرانسيا امەريكالىقتار، ۋكرايندار، فرانسۋزدار، بريتاندىقتار جانە نەمىستەر اراسىندا «بۇرىن-سوڭدى بولماعان» فورماتتا ۋكرايناعا قاتىستى «تاماشا پىكىر الماسۋدى» قۇپتادى. كەزدەسۋ كيەۆ پەن ماسكەۋ اراسىنداعى «بەرىك بەيبىتشىلىك» تۋرالى «كەلىسىمگە قول جەتكىزۋگە مۇمكىندىك بەردى، دەپ اتاپ ءوتتى France24.

- بۇگىن پاريجدە ءبىز ەۋروپالىقتار قاتىسىپ وتىرعان وڭ پروتسەستى باستادىق، - دەپ قۇتتىقتادى فرانسيا ءتوراعالىعى ە. ماكرون، ا ق ش مەملەكەتتىك حاتشىسى م. رۋبيو جانە دونالد ترامپتىڭ ارنايى وكىلى س. ۋيتكوفپەن ءبىرقاتار كەزدەسۋدەن كەيىن.

وسى بەس ەلدىڭ ەلشىلەرىنىڭ جاڭا كەزدەسۋى كەلەسى اپتادا لوندوندا جوسپارلانعان، وعان سونداي-اق س. ۋيتكوفف تا قاتىسادى.

ماكرون كەڭەسشىسىنىڭ ايتۋىنشا، ۋكراينا مەن ەۋروپانىڭ رەسمي تۇلعالارى «پرەزيدەنت دونالد ترامپتىڭ ۋكرايناداعى سوعىستى مۇمكىندىگىنشە تەزىرەك توقتاتۋ ماقساتىن» جانە «اتىستى مۇمكىندىگىنشە تەز ارادا تولىق توقتاتۋ قاجەتتىلىگىن» «ورتاق قولدايتىنىن» اتاپ ءوتتى.

- اتىستى توقتاتۋ كەلىسىمى «رەسەي باسىپ العان ۋكراينا اۋماقتارىن ەسكەرە وتىرىپ، قازىرگى جاعدايداعى بايلانىس سىزىعىنا (مايدان سىزىعى) نەگىزدەلۋى» ءتيىس، - دەپ مالىمدەدى ەليسەي سارايى.

مەملەكەتتىك دەپارتامەنت مالىمدەمەسىنە سايكەس، ا ق ش مەملەكەتتىك حاتشىسى ماركو رۋبيو كەشكىسىن رەسەيلىك ارىپتەسى سەرگەي لاۆروۆقا تەلەفون شالىپ، ونى پاريجدەگى كەلىسسوز تۋرالى حاباردار ەتىپ، ەگەر ەكى تاراپ كەلىسىمگە كەلۋگە مىندەتتەلسە، «بەيبىتشىلىك ورناۋى مۇمكىن» دەپ باسا ايتتى.

ەسكە سالا كەتسەك، ناۋرىح ايىنىڭ سوڭىندا پاريجدە ەممانيۋەل ماكرون مەن ۆلاديمير زەلەنسكي كەزدەسكەنىن جازعان بولاتىنبىز.