ەلميرا سىزدىقوۆا كۇرەستەن ازيادانىڭ كۇمىس جۇلدەسىن يەلەندى

ريو وليمپياداسىنىڭ قولا جۇلدەگەرى، 76 كەلىدەگى ەلميرا سىزدىقوۆا ءوز مانسابىندا العاش رەت ازيادانىڭ فينالىنا شىعىپ، پاريج وليمپياداسىنىڭ چەمپيونى، الەم چەمپيونى يۋكا كاگاميگە (جاپونيا) قارسى كۇرەستى. ناتيجەسىندە بەلدەسۋ 1:5 ەسەبىمەن قارسىلاستىڭ پايداسىنا شەشىلدى.

بۇگىنگى جارىس بارىسىندا جەرلەسىمىز داۆااناسان ەنح-اماردى (موڭعوليا) 4:1 جانە ۆەنجي ليدى (قىتاي) 9:8 ەسەبىمەن جەڭگەن بولاتىن.

ايتا كەتەيىك، ەلميرا سىزدىقوۆا ءوز مانسابىندا 2018 -جىلى ازيادانىڭ قولا جۇلدەسىن ەنشىلەگەن.

بۇعان دەيىن جازعى ازيا ويىندارىندا فينالعا دەيىن جەتكەن ارۋلارىمىز:

🥇2010 -جىل. 🇰🇿 ەلەنا شالىگينا (63 كەلى)

🥈2022 -جىل. 🇰🇿 ءجاميلا باقبەرگەنوۆا (76 كەلى)

🥈2018 -جىل. 🇰🇿 جۇلدىز ەشيموۆا (53 كەلى)

🥈2014 -جىل. 🇰🇿 گۋزەل مانيۋروۆا (75 كەلى)

🥈2006 -جىل. 🇰🇿 ولگا سميرنوۆا (55 كەلى)

ايتا كەتەيىك، 3-قازان كۇنى توكيوداعى Equestrian Park كەشەنىندە ازيا ويىندارى اياسىنداعى ات سپورتىنان ەڭ تارتىستى باسەكەلەردىڭ ءبىرى - كونكۋردان جەكەلەي بىرىنشىلىكتىڭ (Jumping Ind A) ءبىرىنشى راۋندى باستالادى. بۇل سىندا قۇرلىقتىڭ ەڭ مىقتى شاباندوزدارىمەن قاتار قازاقستان نامىسىن 4 سپورتشى قورعايدى.