ەلىمىزدىڭ وڭتۇستىگىندە جەر سىلكىندى

استانا. KAZINFORM - جەر سىلكىنىسىنىڭ وشاعى تۇركىستان وبلىسى كەلەس اۋدانى اباي اۋىلىنان 16 ك م قاشىقتىقتا ورنالاسقان، دەپ حابارلايدى ت ج م.

ق ر ت ج م «ن ن س س ن ي» ج ش س سەيسميكالىق ستانسيالار جەلىسىمەن 2025 -جىلعى 12-ناۋرىزدا استانا ۋاقىتىمەن 6 ساعات 15 مينۋتتا جەر سىلكىنىسى تىركەلدى.

- جەر سىلكىنىسىنىڭ وشاعى وزبەكستان رەسپۋبليكاسىنىڭ اۋماعىندا الماتى قالاسىنان وڭتۇستىك- باتىسقا قاراي 684.00 ك م جەردە ورنالاسقان. (تۇركىستان وبلىسى كەلەس اۋدانى اباي اۋىلىنان 16 ك م قاشىقتىقتا). كەلەس اۋدانىنىڭ اباي اۋىلىندا 3.0 ب. ، سارىاعاش اۋدانىنىڭ سارىاعاش قالاسىندا 3.0 ب. شاماسىندا بولعان. زارداپ شەككەندەر مەن قيراۋلار تۋرالى مالىمەت تۇسكەن جوق، - دەلىنگەن حابارلامادا.

ت ج م «قازسەلدەن قورعاۋ» م م ماماندارى وزەن ارنالارىن، گيدروتەحنيكالىق قۇرىلىستاردى، كوشكىن قاۋىپتى جانە سەل قاۋىپتى ۋچاسكەلەردى زەرتتەۋ بويىنشا مونيتورينگ جۇرگىزدى. سونداي-اق، تىرشىلىكتى قامتاماسىز ەتۋ نىساندارىن ارالاپ، تەكسەردى.

- تەكسەرۋ ناتيجەلەرى بويىنشا زاقىمدانۋ تابىلعان جوق، قازىرگى ۋاقىتتا اتالعان وبەكتىلەر شتاتتىق رەجيمدە جۇمىس ىستەيدى. قيراۋلار مەن زارداپ شەككەندەر تۋرالى مالىمەت تۇسكەن جوق. جاعداي تۇراقتى، - دەپ اتاپ ءوتتى ۆەدومستۆو وكىلدەرى.

جەر سىلكىنىسى كەزىندەگى 10 قاراپايىم قادام

1. جەر ءدۇمپۋى كەزىندە ۇرەيلەنبەڭىز؛

2. جەر سىلكىنۋ كەزىندە ليفت جانە باسپالداقتى قولدانباڭىز؛

3. جيھازدان، تەرەزەدەن، ارى تۇرىڭىز؛

4. جاسىرىناتىن جەردى تابىڭىز - جوعارعى قاباتتاردا نەگىزگى ىرگەلى قابىرعالاردىڭ بۇرىشىندا ورىن الىپ جاسىرىڭىز؛

5. عيماراتتان شىعىڭىز (تومەنگى قاباتتاردا)؛ - كوپ قاباتتى ۇيلەردە جەر سىلكىنىس اياقتالعان سوڭ عيماراتتان شىعىڭىز؛

6. كەتەر الدىندا سۋدى، گازدى، ەلەكتر قۋاتىن مۇمكىندىگىڭىزشە ءوشىرىڭىز؛

7. دابىل جول ساندىعىن الىڭىز (الدىن الا دايىنداۋ قاجەت)؛

8. ەلەكتر جەلىلەردەن، عيمارات، اعاشتاردان اۋلاق بولىڭىز؛

9. جەر سىلكىنۋىنە دايىن بولىڭىز؛

10. قارت ادامدارعا، بالالارعا، مۇمكىندىگى شەكتەۋلى ادامدارعا كومەك كورسەتىڭىز.

ەسكە سالساق، كەشە جاركەنت تۇرعىندارى جەر سىلكىنىسىن سەزگەنىن جازدىق.