ەلىمىزدىڭ وڭتۇستىگىندە بوران سوعىپ، كۇن ايازدايدى
استانا. KAZINFORM - شىمكەنت پەن تۇركىستان وبلىسىندا اۋا تەمپەراتۋراسى 20 گرادۋسقا دەيىن تومەندەيدى.

شىمكەنتتە جاڭبىر سوڭى قارعا ۇلاسىپ، بۇرقاسىن سوعىپ، اۋا تەمپەراتۋراسى 4-6 گرادۋس ايازعا دەيىن تومەندەدى. وڭتۇستىك - باتىستان سوعاتىن جەل سولتۇستىك - باتىستان سوعادى، ەكپىنى 25 م/س جەتەدى.
- بەيسەنبى، 23 - قاڭتاردا وبلىستا اۋا رايى قۇبىلمالى، بۇلتتى بولادى. تۇندە قار جاۋادى. سولتۇستىك - باتىستان سوعاتىن جەل سولتۇستىك - شىعىسقا اۋىسادى، كۇشى 8-13 م/س. اۋا تەمپەراتۋراسى تۇندە 14-16، كۇندىز 8-10 گرادۋس اياز بولادى. 24 - قاڭتاردا دا قۇبىلمالى بۇلتتى بولادى. سولتۇستىك- شىعىستان 8-13 م/س جەل سوعادى. اۋا تەمپەراتۋراسى تۇندە -18-20، كۇندىز -7-9 گرادۋس، - دەيدى ينجەنەر- سينوپتيك اسەم نۇرلىبايەۆا.
تۇركىستان وبلىسىندا قار تۇرىندەگى جاۋىن- شاشىن كۇتىلەدى، كەي جەرلەردە بۇرقاسىن، كوكتايعاق بولۋى مۇمكىن. بۇل قۇبىلىستاردىڭ بارلىعى جەلدىڭ كۇشەيۋىمەن بىرگە جۇرەدى. وڭتۇستىك- باتىستان سوعاتىن جەل سولتۇستىك- باتىسقا اۋىسادى، ەكپىنى 20 م/س جەتەدى.
تاۋلى جانە تاۋ ەتەگىندەگى اۋدانداردا، سونداي- اق وبلىستىڭ سولتۇستىگى مەن باتىسىندا ەكپىنى 23-28 م/س، تاۋلى اسۋلاردا جەلدىڭ جىلدامدىعى 30 م/س- تان اسادى.
ايماقتا اۋا تەمپەراتۋراسى -2 گرادۋستان -7 گرادۋسقا دەيىن اۋىتقىپ تۇرسا، تاۋلى ايماقتاردا تەرمومەتر كورسەتكىشى -10 عا دەيىن تومەندەگەن. الداعى كۇندەرى اۋا تەمپەراتۋراسى تومەندەي بەرەدى، كەي جەرلەردە -25 گرادۋسقا دەيىن اياز بولۋى مۇمكىن.
ەسكە سالا كەتەيىك، بۇعان دەيىن قازاقستاننىڭ بارلىق اۋماعىندا جەل كۇشەيىپ، بۇرقاسىن سوعاتىنىن، تۇمان تۇسەتىنىن جازعان بولاتىنبىز.