ەلىمىزدىڭ سولتۇستىگىندە 5 گرادۋسقا دەيىن ۇسىك ءجۇرىپ، وڭتۇستىكتە جاڭبىر جاۋادى

استانا. KAZINFORM - الداعى ءۇش كۇندە قازاقستاننىڭ باسىم بولىگىنە اۋقىمدى انتيسيكلون ىقپال ەتىپ، جاۋىن-شاشىنسىز كۇن رايى ساقتالادى.

«قازگيدرومەت» ر م ك حابارلاۋىنشا، رەسپۋبليكانىڭ تەك وڭتۇستىك بولىگى عانا سيكلوننىڭ جانە ونىمەن بايلانىستى اتموسفەرالىق فرونتالدى بولىكتەردىڭ ىقپالىندا بولادى، وندا جاڭبىر جاۋىپ، نايزاعاي وينايدى. سونداي-اق رەسپۋبليكا بويىنشا جەل كۇشەيەدى. ەلىمىزدىڭ سولتۇستىگىندە، سولتۇستىك- باتىسىندا جانە شىعىسىندا تۇندە جانە تاڭەرتەڭ تۇمان ءتۇسىپ، 17-19-قىركۇيەكتە اۋانىڭ تەمپەراتۋراسى 2-5 گرادۋسقا دەيىن تومەندەيدى.

كۇندىز رەسپۋبليكانىڭ باتىسىندا اۋانىڭ تەمپەراتۋراسى +20+28°c، سولتۇستىك- باتىستا +12+23°c، شىعىستا +5+20°c، وڭتۇستىگىندە +20+30°c. رەسپۋبليكانىڭ سولتۇستىگى مەن ورتالىعىندا +10+20°c، وڭتۇستىك- شىعىستا +17+28°c.