ەلىمىزدەگى قوعامدىق اۆتوبۋستارعا جۇرگىزۋشىلەر جەتىسپەي جاتىر

سەناتور ەۆگەني بولگەرت ءوزىنىڭ دەپۋتاتتىق ساۋالىندا قالالىق قوعامدىق كولىك جۇمىسىنداعى پروبلەمانى اتادى، دەپ حابارلايدى قازاقپارات ءتىلشىسى.

қоғамдық көлік
Фото: Фото: ҚазАқпарат

دەپۋتاتتىڭ سوزىنە قاراعاندا، بەلگىلەنگەن تاريف پەن جول اقىسىنىڭ ناقتى قۇنى اراسىنداعى ايىرماشىلىقتى جابۋ ءۇشىن تاسىمالداۋشىنىڭ شىعىندارىنا تۇراقتى تۇردە سۋبسيديا بەرمەسە، قىزمەتتىڭ بۇل ءتۇرى تىم ءتيىمسىز. الايدا، سۋبسيديا مولشەرى ۇنەمى ءوسىپ كەلسە دە، بۇل سالاداعى ماسەلە شەشىلمەي جاتىر.

سونداي- اق، سەناتور ديزەل وتىنىنا، قوسالقى بولشەكتەرگە، اۆتوبۋستار مەن ەلەكتر اۆتوبۋستارىنا باعانىڭ وسە تۇسكەنى تۋرالى دەرەكتەردى العا تارتتى.

«كوپتەگەن قالا مەن ەلدى مەكەندەردە جولاۋشىلاردىڭ جايلى تاسىمالى تۋرالى ايتۋ مۇمكىن ەمەس. سالانىڭ كوپتەگەن ماماندارى باسقا جاققا جۇمىسقا كەتۋگە ءماجبۇر. جۇرگىزۋشىلەردىڭ تاپشىلىعىنان كەيبىر اۆتوبۋس پاركتەرىندە اۆتوبۋستار قاڭتارىلىپ تۇر، بۇل جولاۋشىلاردىڭ ايالدامادا تۇرىپ قالۋىنا جانە ازاماتتاردىڭ نارازىلىعىنا اكەلىپ سوعادى. قالالىق مارشرۋتتاردا 10525 اۆتوبۋس تارتىلعان. ال ىشكى ىستەر مينيسترلىگى مالىمەتىنە قاراعاندا، ەلىمىزدە «D» ساناتىنداعى جۇرگىزۋشى كۋالىگى بار 387000 ادام بار. ياعني، اۆتوبۋس جۇرگىزە الاتىن وسىنشاما ادام بۇل ماماندىققا بارۋعا قۇلشىنىس تانىتپاۋدا»، - دەدى ە. بولگەرت سەناتتىڭ جالپى وتىرىسىندا.

دەپۋتات بيۋدجەت اقشاسى مەن تابىستى مارشرۋتتاردى تۇراقتى الىپ تۇراتىن مەملەكەتتىڭ ۇلەسى بار اۆتوپاركتەرگە ارتىقشىلىق بەرىلىپ جاتقانىن دا جەتكىزدى. ال جەكە اۆتوپاركتەردىڭ جاعدايى كۇرت ناشارلاپ بارادى. بانكتەر تابىسى تومەن جانە سۋبسيديانىڭ شەكتەۋلى بولۋىنا بايلانىستى جەكە پاركتەرگە جاڭا اۆتوبۋس ساتىپ الۋعا نەسيە بەرۋدەن باس تارتىپ وتىر.

ءسوز سوڭىندا: «قالا ىشىندەگى جانە قالاارالىق باعىتتاعى تاسىمالداۋشىلاردىڭ شىعىنىن جابۋعا سۋبسيديا ءبولۋ جونىندەگى اقپاراتتىق جۇيە ازىرلەۋ كەرەك»، - دەدى سەناتور.

سوڭعى جاڭالىقتار