ەلىمىزدىڭ قاي وڭىرىندە قۇرعاقشىلىق بولۋى مۇمكىن
استانا. KAZINFORM - «قازگيدرومەت» ماماندارى ءساۋىر ايىندا جاۋعان جاۋىن- شاشىن مەن اۋا رايى بولجامىن ەسكەرىپ، قۇرعاقشىلىق قاۋپى بار اۋماق اۋدانىنىڭ ۇلعايۋى ىقتيمال ەكەنىن العا تارتىپ وتىر.
قۇرعاقشىلىق قىزىلوردا وبلىسىنىڭ قارماقشى جانە ىلە اۋداندارىندا، قوستاناي وبلىسىنىڭ امانگەلدى اۋدانىندا، قاراعاندى وبلىسىنىڭ شەت اۋدانىندا كۇتىلەدى.
«قوستاناي وبلىسىندا - قاراسۋ اۋدانىندا، اقمولا وبلىسىندا - اقكول، اتباسار، ساندىقتاۋ اۋداندارىندا، پاۆلودار وبلىسىندا - اقتوعاي، ۋسپەن اۋداندارىندا جانە پاۆلودار قالاسىنىڭ ماڭىندا، باتىس قازاقستان وبلىسىنداعى ءبورلى، شىڭعىرلاۋ، سىرىم جانە قاراتوبە اۋداندارىندا، اقتوبە وبلىسىندا - قوبدا اۋدانىندا ورتاشا ىلعالدىلىق بولجانادى»، - دەدى «قازگيدرومەت» ر م ك باسپا ءسوز حاتشىسى الينا يسماگۋلوۆا ورتالىق كوممۋنيكاتسيالار قىزمەتى الاڭىندا وتكەن بريفينگىدە.
ەسكە سالساق، بۇعان دەيىن الماتىدا بۇگىن اۋا رايى قانداي بولاتىنىن حابارلاعان ەدىك.
