ەلىمىزدىڭ ءۇش وڭىرىندە كولىك قوزعالىسى شەكتەلدى - قازاۆتوجول
استانا. KAZINFORM - اۋا رايىنىڭ بۇزىلۋىنا بايلانىستى شىعىس قازاقستان، اباي جانە جەتىسۋ وبلىستارىندا كولىك قوزعالىسى شەكتەلدى، دەپ حابارلايدى «قازاۆتوجول» ۇ ك باسپا ءسوز قىزمەتى.

اۋا رايىنىڭ بۇزىلۋىنا بايلانىستى كەلەسى رەسپۋبليكالىق اۆتوجولداردا جۇك جانە قوعامدىق كولىكتەردىڭ قوزعالىسىنا شەكتەۋ قويىلدى:
جەتىسۋ وبلىسى
- «الماتى- تالدىقورعان- وسكەمەن- شەمونايحا- ر ف شەكاراسى» اۆتوجولىنىڭ 557-615-شاقىرىم ارالىعىنداعى ۋچاسكەسى (ءۇشارال قالاسىنان اباي وبلىسىنىڭ شەكاراسىنا دەيىن).
اباي وبلىسى
- «الماتى- تالدىقورعان- وسكەمەن- شەمونايحا- ر ف شەكاراسى» اۆتوجولىنىڭ 615-768-شاقىرىم ارالىعىنداعى ۋچاسكەسى (جەتىسۋ وبلىسىنىڭ شەكاراسىنان اياگوز قالاسىنا دەيىن).
- «تاسكەسكەن- باقتى» اۆتوجولىنىڭ 0-75-شاقىرىم ارالىعىنداعى ۋچاسكەسى (تاسكەسكەن اۋىلىنان ءۇرجار اۋىلىنا دەيىن).
جولدى 2025 -جىلعى 30-قاڭتار ساعات 18:00-دە اشۋ جوسپارلانعان.
شىعىس قازاقستان وبلىسى
- 2025 -جىلعى 30-قاڭتاردا ساعات 09:00-دە ش ق و-دا قار كوشكىنىنىڭ پروفيلاكتيكالىق تۇسۋىمەن بايلانىستى «وسكەمەن- التاي- ۇلكەن نارىن- كاتونقاراعاي- راحمان قاينارى» اۆتوجولىنىڭ 420-450-شاقىرىمى ارالىعىندا (بەرەل اۋىلىنان راحمان قاينارى شيپاجايىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى.
2025 -جىلعى 30-قانتار ساعات 17:00-دە جولدى اشۋ جوسپارلانعان.
سونىمەن قاتار «قازاۆتوجول» رەسپۋبليكالىق اۆتوجولدارداعى اۋا رايى تۋرالى مالىمەتپەن ءبولىستى.
- 2025 -جىلعى 30-قاڭتار اقمولا، اقتوبە، اباي، الماتى، جامبىل، جەتىسۋ، پاۆلودار، قاراعاندى، قىزىلوردا، قوستاناي، تۇركىستان، سولتۇستىك قازاقستان، شىعىس قازاقستان جانە ۇلىتاۋ وبلىستارىنىڭ كەي جەرلەرىندە قار كۇتىلۋدە. سول سەبەپتى جۇرگىزۋشىلەرگە قاۋىپسىزدىك ەرەجەلەرىن قاتاڭ ساقتاپ، جولدارداعى اۋا رايىنىڭ قولايسىزدىعىن ەسكەرۋلەرىڭىزدى سۇرايمىز. 1403 بايلانىس ورتالىعىنا حابارلاسىپ، تاۋلىك بويى قوسىمشا اقپارات الۋعا بولادى، - دەلىنگەن حابارلامادا.
بۇعان دەيىن اۋا رايىنا بايلانىستى ءۇش وبلىستا جول جابىلعانىن جازدىق.