ەلىمىزدىڭ ءۇش وبلىسىندا جول جابىلدى

استانا. KAZINFORM - ەرىگەن قار سۋلاردىڭ سالدارىنان اقتوبە جانە قوستاناي، سولتۇستىك قازاقستان وبلىستارىندا جول قوزعالىسىنا شەكتەۋ قويىلدى. بۇل تۋرالى قازاۆتوجول مالىمدەدى.

23-ناۋرىز ساعات 08:00 جاعداي بويىنشا ەرىگەن قار سۋلاردىڭ سالدارىنان 3 وبلىستاعى 3 رەسپۋبليكالىق ماڭىزى بار اۆتوموبيل جولدارىندا كولىك قوزعالىسىنا شەكتەۋ قويىلدى.

اقتوبە وبلىسى بويىنشا «قاندىاعاش - ەمبى- شالقار - ىرعىز» اۆتوجولىنىڭ 3-92 شاقىرىم ارالىعى (قاندىاعاش قالاسى - ەمبى قالاسى).

قوستاناي وبلىسى بويىنشا قازاقستان مەن رەسەي اراسىنداعى بەيتاراپ تەرريتورياداعى مارينوۆكا اۋىلىنا جاقىن ايماقتا (ر ف شەكاراسى).

سولتۇستىك قازاقستان وبلىسى بويىنشا «پەتروپاۆل قالاسىنىڭ اينالما جولى» اۆتوجولىنىڭ 4-7-شاقىرىمى ارالىعىندا (قوجابەرگەن جىراۋ اينالما جولىنان ەسىل وزەنى ارقىلى وتەتىن كوپىرگە دەيىن).

- قازىرگى تاڭدا رەسپۋبليكالىق جولداردى كۇتىپ-ۇستاۋعا 60 ارنايى تەحنيكا مەن 108 مامان جۇمىلدىرىلدى، - دەلىنگەن حابارلامادا.

ايتا كەتەلىك ەلىمىزدىڭ 15 ءوڭىرى مەن استانادا داۋىلدى ەسكەرتۋ جاريالانعان ەدى.