18:06, 01 - ناۋرىز 2025 | GMT +5

ەلىمىزدەگى ءدامحانالاردا اۋىزاشار قانشا تۇرادى

اقتوبە. KAZINFORM - رامازان ايىندا مەيرامحانالار مەن ءدامحانالار ارنايى اس ءمازىرىن ۇسىنادى. Kazinform اگەنتتىگىنىڭ ءتىلشىسى كەشكى استىڭ باعاسىن ءبىلدى.

يشارك:

Сколько стоит ауызашар в ресторанах и кафе Казахстана — فوتو: Kazinform

بۇگىننەن باستاپ قوعامدىق تاماقتانۋ ورىندارى ءتۇرلى اس ءمازىرىن ۇسىنادى. مازىردە ءبىرىنشى جانە ەكىنشى ىستىق تاماق، شىرىن مەن شايعا ارنالعان تاتتىلەر بار. ماسەلەن الدىمەن ءتۇرلى سورپانى تاڭداۋعا بولادى. ال، ىستىق تاماقتان مانتى، قۋىرداق پەن كۇرىش جەۋگە بولادى. سونىمەن بىرگە اۋىزاشار كەزىندە ءتۇرلى كوكونىستەن جاسالعان جەڭىل سالاتتارعا دا تاپسىرىس قابىلدانادى. شاي داستارقانىنا كەپتىرىلگەن جەمىس نەمەسە شىعىس تاتتىلەرى ۇسىنىلادى. قازىرگى كەزدە بارلىق مەيرامحانا مەن ءدامحانادا قۇرما مەن سۋ تەگىن بەرىلەدى.

قازاقستان بويىنشا ءبىر ادامعا ارنالعان ءمازىر قۇنى 3 مىڭ تەڭگەدەن باستالىپ، 7 مىڭعا دەيىن جەتەدى.

استانا، اتىراۋ، الماتى مەن اقتوبەدە دايىن مازىردەگى اۋىزاشار باعاسى جوعارى. مۇندا كەشكى تاماق 5000 تەڭگەدەن باستالىپ، ادام باسىنا 15000 تەڭگەگە دەيىن جەتەدى.

قىزىلوردا، تۇركىستان، كوكشەتاۋ، پەتروپاۆل، پاۆلودار، ورال، قاراعاندىدا باعا تومەن. مۇندا ءبىر ادامعا ارنالعان اۋىزاشار ءمازىرى 2500 تەڭگەدەن باستالادى.

جەزقازعان، اقتاۋ، قوستاناي، وسكەمەن، سەمەي، تالدىقورعان، قونايەۆ، شىمكەنت پەن تارازدا اۋىزاشار مازىرىندەگى تاعام باعاسى 3000 تەڭگەدەن باستالادى.