ەلىمىزدىڭ باسىم بولىگىندە قار جاۋادى - قازگيدرومەت

استانا. KAZINFORM - «قازگيدرومەت» ر م ك-سى اقپاننىڭ 27 سى كۇنگى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، اتموسفەرالىق اعىنداردىڭ وتۋىنە بايلانىستى ەلىمىزدىڭ باسىم بولىگىندە قار جاۋادى.

رەسپۋبليكا بويىنشا تۇمان، كوكتايعاق بولىپ، ەلدىڭ سولتۇستىگىندە، وڭتۇستىگىندە، وڭتۇستىك-باتىسىندا، ورتالىعىندا جەل كۇشەيىپ، بۇرقاسىنداتادى.

ماڭعىستاۋ وبلىسىنىڭ سولتۇستىك- شىعىسىندا، تۇندە جەتىسۋ وبلىسىنىڭ تاۋلى اۋداندارىندا قالىڭ قار جاۋادى.

تۇندە الماتى وبلىسىنىڭ شىعىسىندا، كۇندىز جەتىسۋ وبلىسىنىڭ سولتۇستىك-شىعىسىندا، تاۋلى اۋداندارىندا جەلدىڭ جىلدامدىعى سەكۋندىنا 30 مەترگە جەتەدى، ودان دا كۇشتى بولۋى مۇمكىن.

وسىعان دەيىن حابارلاعانىمىزداي، الماتىدا بايشەشەك گۇلدەدى.