ەلىمىزدىڭ بارلىق وڭىرىندە جاۋىن-شاشىن بولىپ، جەل كۇشەيەدى

اتلانتيكالىق سيكلوننىڭ جانە اتموسفەرالىق فرونتالدى بولىكتەردىڭ اسەرىنەن 29-جەلتوقساندا ەلىمىزدىڭ بارلىق اۋماعىندا اۋا رايى قۇبىلمالى بولادى، دەپ حابارلايدى Kazinform.

قازگيدرومەت سينوپتيكتەرىنىڭ بولجامى بويىنشا، سولتۇستىكتە، وڭتۇستىك پەن وڭتۇستىك-شىعىستىڭ تاۋلى ايماقتارىندا قاتتى جاۋىن-شاشىن (جاڭبىر، قار) بولادى. ەلىمىز بويىنشا تۇمان ءتۇسىپ، كوكتايعاق، ەكپىندى جەل، بۇرقاسىن بولادى دەپ بولجانىپ وتىر.

سونىمەن قاتار وڭتۇستىك- باتىستا، جامبىل وبلىسىنىڭ تاۋلى ايماقتارىندا، سولتۇستىك قازاقستاننىڭ سولتۇستىگىندە، شىعىسىندا، وڭتۇستىگىندە، تۇركىستان وبلىسىنىڭ تاۋلى ايماقتارىندا، كۇندىز اقمولا وبلىسىنىڭ سولتۇستىگىندە، شىعىس قازاقستان وبلىسىنىڭ وڭتۇستىك-شىعىسىندا، قوستاناي وبلىسىنىڭ وڭتۇستىگىندە، شىعىسىندا، باتىسىندا، اباي وبلىسىنىڭ ورتالىعىندا، جەتىسۋ وبلىسىنىڭ الاكول كولى ايماعىندا جەلدىڭ كۇشى 30 م/س جانە ودان دا جوعارى بولادى.