ەلىمىزدەگى اقىلى جولداردان 30 ميلليارد تەڭگەدەن استام قارجى ءتۇستى

ақылы жолдар
Фото: egemen.kz

استانا. KAZINFORM - وتكەن جىلى ەلىمىزدەگى اقىلى 17 جولدان 30 ميلليارد تەڭگەدەن استام قارجى ءتۇستى. بۇل تۋرالى «قازاۆتوجول» ۇلتتىق كومپانياسىنان ءمالىم ەتتى.

«2023-جىلى اقىلى 17 جولدان جۇرگىزۋشىلەر تاراپىنان 30283900 مىڭ تەڭگە اقشا قاراجاتى ءتۇستى»، - دەلىنگەن كومپانيانىڭ اگەنتتىك ساۋالىنا بەرگەن جاۋابىندا.

مەكەمە مالىمەتىنشە، اتالعان قاراجات اقىلى جولداردى كۇتىپ ۇستاۋعا جانە اعىمدىق جوندەۋ جۇمىستارىنا، اقى الۋ جۇيەسىن كۇتىپ ۇستاۋعا، ينۆەستيتسيالاردى قايتارۋعا، جول پايدالانۋ تەحنيكاسى مەن جابدىقتار ساتىپ الۋعا جۇمسالادى.

«جىلدىق اۋديت ەسەبى جۇرگىزىلگەننەن كەيىن تازا كىرىس انىقتالادى. ونىڭ 80 پايىزى رەسپۋبليكالىق بيۋجەتكە تولەنىپ، قالعان 20 پايىزى جول سالاسىن دامىتۋ ءۇشىن «قازاۆتوجول» ۇ ك» ا ق- تا قالادى»، - دەپ ناقتىلايدى كومپانيادان.

سوڭعى جاڭالىقتار