ەلىمىزدەگى العاشقى اۆتوتۋننەل مەن ەڭ ۇلكەن كوپىردىڭ قۇرىلىسى قاشان اياقتالادى

тоннель
Фото: Көлік министрлігі

استانا. KAZINFORM - بۇگىندە شاقپاق بابا اسۋى (تۇركىستان وبلىسى) ارقىلى وتەتىن اۆتوموبيل تۋننەلىندە بەتون جانە اسفالتبەتون جۇمىستارى اياقتالعان.

سونداي- اق بەينەباقىلاۋ جۇيەسىن مونتاجداۋ جانە گاز قۇبىرلارىن وتكىزۋ، جەلدەتكىشتەر مەن ورتكە قارسى جابدىقتاردى ورناتۋ بويىنشا جۇمىس جۇرگىزىلىپ جاتىر.

«شاقپاق بابا اسۋى ارقىلى وتەتىن ەلىمىزدەگى العاشقى اۆتوموبيل تۋننەلىنىڭ قۇرىلىسى وسى جىلدىڭ سوڭىنا دەيىن اياقتالادى دەپ جوسپارلاپ وتىرمىز. بۇدان بولەك، بۇقتىرما سۋ قويماسى ارقىلى قازاقستانداعى ەڭ ۇلكەن كوپىردىڭ قۇرىلىسىن اياقتاۋ كوزدەلگەن. شىعىس قازاقستان وبلىسىنداعى بۇقتىرما سۋ قويماسى ارقىلى وتەتىن ەكى جولاقتى اۆتوموبيل كوپىرىنىڭ جالپى ۇزىندىعى - 1316 مەتر»، - دەدى مارات قارابايەۆ.

шақпақ асуы
Фото: Көлік министрлігі

وسىلايشا قازىرگى ۋاقىتتا بۇقتىرما سۋ قويماسى ارقىلى قازاقستانداعى ەڭ ۇلكەن كوپىردىڭ تىرەكتەرىن سالۋ جۇمىسى 81 پايىزعا ورىندالدى.

اتاپ ايتقاندا، 21 تىرەكتىڭ 17 ءسى سالىنىپ، قالعان ءتورت تىرەك بويىنشا جۇمىس جالعاسىپ جاتىر. قازىرگى ۋاقىتتا ۋاقىتشا تەحنولوگيالىق كوپىردىڭ قۇرىلىسى تولىعىمەن اياقتالدى.

 пресс-служба Министерства транспорта
Фото: пресс-служба Министерства транспорта

بۇل - اتالعان قۇرىلىس جۇمىستارىن ورىنداۋ ءۇشىن قاجەتتى الاڭدارمەن قامتاماسىز ەتەتىن اۋماق.

كىرمە جولدا جەر توسەمىن ورناتۋ جانە قۇم-قيىرشىق تاس توسەۋ جۇمىستارى اياقتالعان.

سوڭعى جاڭالىقتار