ەلىمىزدىڭ 9 وبلىسىندا اۋا رايىنا بايلانىستى ەسكەرتۋ جاريالاندى

استانا. KAZINFORM - رەسپۋبليكانىڭ 9 وبلىسىندا اۋا رايىنا بايلانىستى ەسكەرتۋ جاريالاندى. بۇل تۋرالى قازگيدرومەت ر م ك حابار تاراتتى.

27-ساۋىردە جەتىسۋ وبلىسىنىڭ شىعىسى مەن سولتۇستىگىندە سولتۇستىك- شىعىستان 15-20، الاكول اۋماقتارىندا 23-28 م/س جىلدامدىقپەن جەل سوعادى.

ۇلىتاۋ وبلىسىنىڭ سولتۇستىگىندە، شىعىسىندا جانە ورتالىعىندا سولتۇستىك- شىعىستان جەل سوعادى، ەكپىنى 15-20 م/س. تۇندە وبلىستىڭ شىعىسىندا 1 گرادۋس اياز.

جەزقازعان: 27-ساۋىردە كۇندىز سولتۇستىك- شىعىستان جەل سوعادى، ەكپىنى 15-20 م/س.

قاراعاندى وبلىسىنىڭ سولتۇستىگىندە، شىعىسىندا، وڭتۇستىگىندە كۇندىز سولتۇستىك-شىعىستان سوعاتىن جەلدىڭ ەكپىنى 15-20 م/س جەتەدى.

27-ساۋىردە كۇندىز اتىراۋ وبلىسىنىڭ باتىسىندا وڭتۇستىك-شىعىستان 15-20 م/س جەل سوعادى. 27-ساۋىردە وبلىستىڭ وڭتۇستىگىندە جوعارى ءورت قاۋپى ساقتالادى.

تۇركىستان وبلىسىنىڭ تاۋلى ايماقتارىندا نوسەر جاڭبىر جاۋادى. وبلىستىڭ وڭتۇستىگىندە، تاۋلى جانە تاۋ بوكتەرىندەگى اۋداندارىندا نايزاعاي ويناپ، بۇرقاسىن سوعادى، وبلىستىڭ سولتۇستىگىندە داۋىل تۇرادى. سولتۇستىك، باتىستا سولتۇستىك-شىعىستان جەل سوعادى، تاۋلى جانە تاۋ بوكتەرىندەگى اۋدانداردا جەلدىڭ ەكپىنى 15-20، كۇندىز 23 م/س. 27-ساۋىردە وبلىستىڭ سولتۇستىگىندە جوعارى ءورت قاۋپى ساقتالادى.

شىمكەنت: 27-ساۋىردە كۇن كۇركىرەپ، بۇرقاسىن سوعادى. سولتۇستىك-شىعىستان سوعاتىن جەلدىڭ ەكپىنى 15-20 م/س.

تۇركىستان: 27-ساۋىردە تاڭەرتەڭ جانە كۇندىز سولتۇستىك-شىعىستان سوعاتىن جەلدىڭ ەكپىنى 15-20 م/س جەتەدى.

باتىس قازاقستان وبلىسىندا كۇندىز وڭتۇستىكتەن، وڭتۇستىك-شىعىستان، وبلىستىڭ سولتۇستىك- باتىسىنان جەل سوعادى، ەكپىنى 15-20 م/س جەتەدى.

قىزىلوردا وبلىسىنىڭ ورتالىعى مەن شىعىسىندا داۋىل سوعادى. ورتالىقتا سولتۇستىك-شىعىستان سوعاتىن جەلدىڭ ەكپىنى 23 م/س جەتەدى. وبلىس ورتالىعىندا جانە وڭتۇستىگىندە جوعارى ءورت قاۋپى ساقتالادى.

قىزىلوردا: 27-ساۋىردە كۇندىز داۋىل تۇرادى. سولتۇستىك-شىعىستان سوعاتىن جەلدىڭ ەكپىنى كۇندىز 15-20 م/س. ءورت قاۋپى ءالى دە جوعارى.

ماڭعىستاۋ وبلىسىنىڭ باسىم بولىگىندە جوعارى ءورت قاۋپى ساقتالادى.

جامبىل وبلىسىنىڭ تاۋلى ايماقتارىندا كۇندىز نوسەر جاڭبىر جاۋادى. 27-28-ساۋىردە وڭتۇستىكتە، وبلىستىڭ تاۋلى اۋداندارىندا نايزاعاي وينايدى، 27 ساۋىردە بۇرشاق جاۋادى. 27-29-ساۋىردە وڭتۇستىكتە، وبلىستىڭ تاۋلى اۋداندارىندا تۇمان تۇسەدى. 27-29-ساۋىردە سولتۇستىك-شىعىستان سوعاتىن جەل وڭتۇستىك-باتىستان، سولتۇستىك-شىعىستا، وبلىستىڭ تاۋلى اۋداندارىندا 15-20 م/س، 27-28 ساۋىردە ەكپىنى 25 م/س. 28-29 ساۋىردە تۇندە شىعىستا، وبلىستىڭ تاۋلى اۋداندارىندا 2 گرادۋس اياز كۇتىلەدى.

تاراز: 27-ساۋىردە كۇندىز نايزاعاي ويناپ، بۇرشاق جاۋۋى مۇمكىن. سولتۇستىك-شىعىستان جەل سوعادى، كۇن كۇركىرەپ، ەكپىنى 15-20 م/س.

27-29-ساۋىردە تۇندە جانە تاڭەرتەڭ تۇمان.