ەلىمىزدىڭ 8 وڭىرىندە اۋا رايىنا بايلانىستى ەسكەرتۋ جاريالاندى
استانا. KAZINFORM - سينوپتيكتەر قازاقستاننىڭ 8 وڭىرىندە كۇن رايىنا بايلانىستى ەسكەرتۋ جاريالادى.
«قازگيدرومەت» ر م ك اقپاراتىنا سايكەس، 25-قاڭتار كۇنى شىمكەنتتە قار ارالاس جاۋىن- شاشىن كۇتىلەدى. تۇمان ءتۇسۋى ىقتيمال. كۇندىز وڭتۇستىك- باتىستان پەن سولتۇستىك- باتىستان سوعاتىن جەلدىڭ ەكپىنى - 15-20 م/س.
اباي وبلىسىنىڭ باتىسىندا، وڭتۇستىگىندە جانە ورتالىعىندا قارلى بوران بولادى. باتىستا، وڭتۇستىكتە، وبلىس ورتالىعىندا جەل تۇرادى. شىعىستان، وڭتۇستىك- شىعىستان سوعاتىن جەلدىڭ ەكپىنى - 15-20, 25 م/س.
قاراعاندى وبلىسىنىڭ باتىسىندا، سولتۇستىگىندە جانە وڭتۇستىگىندە بۇرقاسىن كۇتىلەدى. ال وبلىستىڭ شىعىسىندا تۇمان ءتۇسۋى ىقتيمال.
قوستاناي وبلىسىندا قار جاۋادى، وبلىستىڭ وڭتۇستىگى مەن شىعىسىندا بۇرقاسىن، تۇمان كۇتىلەدى.
قىزىلوردا وبلىسىندا قار جاۋادى دەپ بولجانۋدا. وبلىستىڭ شىعىسى مەن وڭتۇستىگىندە ورتالىقتا كوكتايعاق، تۇمان بولادى. قىزىلوردا قالاسىندا كوكتايعاق كۇتىلەدى.
ۇلىتاۋ وبلىسىنىڭ سولتۇستىگى مەن شىعىسىندا بۇرقاسىن بولۋى ىقتيمال. كۇندىز وبلىستىڭ شىعىسىندا وڭتۇستىك- شىعىستان جەل سوعادى، ەكپىنى - 15-20 م/س.
سولتۇستىك قازاقستان وبلىسىنىڭ باسىم بولىگىندە كۇندىز قار جاۋادى. تۇندە وبلىستىڭ وڭتۇستىگىندە، باتىسىندا، كۇندىز وڭتۇستىگىندە، باتىسىندا جانە سولتۇستىگىندە بۇرقاسىن كۇتىلەدى. تۇندە جانە تاڭەرتەڭ وبلىستىڭ سولتۇستىك- باتىسىندا تۇمان تۇسەدى.
25-قاڭتاردا تاڭەرتەڭ جانە كۇندىز تۇركىستان وبلىسىنىڭ ورتالىعىندا، تاۋلى جانە تاۋ بوكتەرىندەگى اۋدانداردا قاتتى جاۋىن- شاشىن (جاڭبىر، قار)، كوكتايعاق كۇتىلەدى. وبلىس ورتالىعىندا، وڭتۇستىگىندە، باتىسىندا، تاۋلى جانە تاۋ بوكتەرىندەگى اۋدانداردا تۇمان تۇسەدى. تۇركىستاندا تاڭەرتەڭ جانە كۇندىز كوكتايعاق، تۇمان كۇتىلەدى. وڭتۇستىك- باتىستان سوعاتىن جەل تاڭەرتەڭ سولتۇستىك- باتىسقا اۋىسادى، كۇندىز ەكپىنى - 15-20 م/س.
