ەلىمىزدىڭ 15 وڭىرىندە اۋا رايىنا بايلانىستى ەسكەرتۋ جاريالاندى
ەلىمىزدىڭ 15 وڭىرىندە اۋا رايىنا بايلانىستى داۋىلدى ەسكەرتۋ جاريالاندى، دەپ حابارلايدى قازاقپارات.

قازگيدرومەت سينوپتيكتەرىنىڭ بولجامى بويىنشا، استانادا 3-قازاندا تۇندە جانە تاڭەرتەڭ تۇمان تۇسەدى. تۇندە 1 گرادۋس ۇسىك جۇرەدى.
شىمكەنتتە توتەنشە ءورت قاۋپى ساقتالادى.
اباي وبلىسىنىڭ سولتۇستىگىندە، باتىسىندا جانە ورتالىعىندا تۇمان تۇسەدى. سەمەيدە تۇندە جانە تاڭەرتەڭ تۇمان بولادى.
اقمولا وبلىسىنىڭ سولتۇستىگى مەن شىعىسىندا تۇمان ءتۇسىپ، سولتۇستىگى مەن شىعىسىندا 2 گرادۋس ۇسىك جۇرەدى.
اتىراۋ وبلىسىنىڭ باتىسىندا تۇندە جانە تاڭەرتەڭ تۇمان بولادى. وبلىستىڭ وڭتۇستىگى مەن شىعىسىندا جوعارى ءورت ءقاۋپى ساقتالادى.
شىعىس قازاقستان وبلىسىنىڭ سولتۇستىگى مەن شىعىسىندا، وسكەمەندە تۇندە جانە تاڭەرتەڭ تۇمان تۇسەدى.
جامبىل وبلىسىنىڭ شىعىسىندا تۇندە نايزاعاي وينايدى. 3-5-قازاندا وبلىستىڭ تاۋلى ايماقتارىندا تۇمان تۇسەدى. ءورت ءقاۋپى ءالى دە جوعارى.
باتىس قازاقستان وبلىسىنىڭ وڭتۇستىگىندە كۇندىز نايزاعاي جارقىلدايدى. وڭتۇستىك- شىعىستان سوعاتىن جەل ەكپىنى كۇندىز 15-20 م/س بولادى.
قاراعاندى وبلىسىنىڭ سولتۇستىگى مەن شىعىسىندا نايزاعاي وينايدى. تۇندە جانە تاڭەرتەڭ وبلىستىڭ سولتۇستىگى مەن شىعىسىندا تۇمان تۇسەدى.
3 قازاندا قوستاناي وبلىسىنىڭ شىعىسىندا جانە وڭتۇستىگىندە تۇندە جانە تاڭەرتەڭ تۇمان تۇسەدى. تۇندە وبلىستىڭ سولتۇستىك- شىعىسىندا 2 گرادۋس ۇسىك جۇرەدى.
ماڭعىستاۋ وبلىسىنىڭ سولتۇستىك- باتىسىندا، وڭتۇستىگىندە جانە ورتالىعىندا جوعارى ءورت قاۋپى ساقتالادى.
پاۆلودار وبلىسىنىڭ سولتۇستىگى مەن باتىسىندا تۇمان تۇسەدى. تۇندە وبلىستىڭ سولتۇستىگى مەن شىعىسىندا 3 گرادۋس ۇسىك جۇرەدى. پاۆلوداردا تۇندە جانە تاڭەرتەڭ تۇمان بولىپ، تۇندە 1-3 گرادۋس ۇسىك جۇرەدى.
سولتۇستىك قازاقستان وبلىسىنىڭ وڭتۇستىگى مەن شىعىسىندا تۇندە جانە تاڭەرتەڭ تۇمان بولادى. تۇندە وبلىستىڭ وڭتۇستىك- شىعىسىندا 1 گرادۋس ۇسىك جۇرەدى.
تۇركىستان وبلىسىنىڭ تاۋلى جەرىندە كۇندىز شىعىستان 15-20 م/س جەل سوعادى. 3-قازاندا وبلىستىڭ باسىم بولىگىندە وتە جوعارى ءورت قاۋپى ساقتالادى.
ۇلىتاۋ وبلىسىنىڭ سولتۇستىگىندە جانە شىعىسىندا تۇندە جانە تاڭەرتەڭ تۇمان تۇسەدى.