ەلىمىزدىڭ 13 وبلىسىندا اۋا رايىنا بايلانىستى ەسكەرتۋ جاريالاندى
استانا. قازاقپارات - 3-قازان كۇنى قازاقستاننىڭ 12 وبلىسىندا اۋا رايىنا بايلانىستى ەسكەرتۋ جاريالاندى.
3-قازان كۇنى ق ر باسىم بولىگىندە اتموسفەرالىق فرونتالدى بولىمدەردىڭ وتۋىمەن جاڭبىر كۇتىلەدى، رەسپۋبليكانىڭ وڭتۇستىك-باتىسىندا قاتتى جاڭبىر بولجانادى، وڭتۇستىك-شىعىستىڭ تاۋلى ايماقتارىندا تۇندە كەي ۋاقىتتاردا قاتتى جاۋىن-شاشىن (جاڭبىر، قار) جاۋادى.
ەلدىڭ باتىسىندا، وڭتۇستىگىندە، وڭتۇستىك-شىعىسىندا نايزاعاي كۇتىلەدى، وڭتۇستىك-شىعىستىڭ تاۋلى ايماقتارىندا جاڭبىر مەن قار تۇرىندە جاۋىن-شاشىن كۇتىلەدى. رەسپۋبليكانىڭ سولتۇستىگىندە، سولتۇستىك-باتىسىندا عانا جوعارى قىسىمدى ءورىستىڭ اسەرىنەن قۇرعاق جانە جىلى اۋا رايى كۇتىلەدى. ق ر بويىنشا جەلدىڭ كۇشەيۋى كۇتىلەدى، تۇنگى جانە تاڭەرتەڭگى ساعاتتاردا سولتۇستىكتە، سولتۇستىك-باتىستا، ەلدىڭ وڭتۇستىك-شىعىسىنداعى تاۋلى اۋدانداردا تۇمان بولادى.
قاراعاندى، اباي وبلىستارىندا، اقتوبە وبلىسىنىڭ سولتۇستىگىندە، سولتۇستىك-شىعىسىندا، ۇلىتاۋ وبلىسىنىڭ شىعىسىندا، باتىس قازاقستان وبلىسىنىڭ سولتۇستىگىندە، قىزىلوردا وبلىسىنىڭ سولتۇستىك-باتىسىندا، جامبىل وبلىسىنىڭ وڭتۇستىك-شىعىسىندا، قوستاناي وبلىسىنىڭ وڭتۇستىگىندە، ماڭعىستاۋ وبلىسىنىڭ شىعىسىندا، باتىسىندا، وڭتۇستىگىندە، شىعىس قازاقستان وبلىسىنىڭ ورتالىعىندا جوعارى ءورت قاۋپى ساقتالادى.
ماڭعىستاۋ، اتىراۋ، اقتوبە، تۇركىستان، قىزىلوردا، جامبىل، باتىس قازاقستان وبلىستارىندا، قوستاناي وبلىسىنىڭ وڭتۇستىك-باتىسىندا، ۇلىتاۋ وبلىسىندا، قاراعاندى وبلىسىنىڭ باتىسىندا، شىعىسىندا، اباي وبلىسىنىڭ وڭتۇستىگىندە، جەتىسۋ وبلىسىنىڭ باتىسىندا، سولتۇستىگىندە، ورتالىعىندا، الماتى وبلىسىنىڭ سولتۇستىگىندە، باتىسىندا توتەنشە ءورت قاۋپى ساقتالادى.
