ەلىمىزدە ەڭ ۇزدىك جەدەل جاردەم بريگادالارى انىقتالدى
استانا. KAZINFORM - اقتاۋ قالاسىندا جەدەل جاردەم بريگادالارىنىڭ رەسپۋبليكالىق چەمپيوناتى اياقتالدى، دەپ حابارلايدى ق ر دەنساۋلىق ساقتاۋ مينيسترلىگى.
سايىسقا ەلىمىزدىڭ بارلىق وڭىرىنەن، سونداي-اق رەسەي، بەلارۋس جانە ازەربايجان مەملەكەتىنەن كوماندالار جينالدى.
ءۇش كۇن بويى قاتىسۋشىلار ەرەسەكتەر مەن بالالاردىڭ جۇرەك- وكپە رەانيماتسياسىنان باستاپ جاراقات العان كەزدە دارىگەرگە دەيىنگى كومەككە، جاڭا تۋعان نارەستەلەردى قاداعالاپ-قاراۋعا جانە اكۋشەرلىك اسقىنۋلار كەزىندە العاشقى كومەك كورسەتۋگە دەيىنگى ناقتى جاعدايلارعا بارىنشا جاقىن جاعدايلاردا شۇعىل كومەك كورسەتۋ داعدىلارىن كورسەتتى.
جارىستىڭ قورىتىندىسى بويىنشا ورىندار كەلەسىدەي ءبولىندى:
1-ورىن - جامبىل وبلىسى
2-ورىن - اباي وبلىسى
3-ورىن - استانا قالاسى
شەتەلدىك كوماندالاردىڭ اراسىندا جەڭىمپاز اتانعاندار:
1-ورىن - بەلارۋس
2-ورىن - رەسەي
3-ورىن - ءازىربايجان
ارنايى نوميناتسيالار العاندار:
«ۇزدىك كوماندالىق جۇمىس» - پاۆلودار وبلىسى
«جەڭىسكە دەگەن جىگەرى ءۇشىن» - ۇلىتاۋ وبلىسى
جەكەلەگەن ساناتتاردا ۇزدىك دەپ تانىلعاندار:
PALS: شىمكەنت (1-ورىن)، تۇركىستان وبلىسى (2-ورىن) ، قوستاناي وبلىسى (3-ورىن)
NRP: اقتوبە وبلىسى (1-ورىن)، باتىس قازاقستان وبلىسى (2-ورىن)، الماتى وبلىسى (3-ورىن)
PHTLS: اتىراۋ وبلىسى (1-ورىن)، اقمولا وبلىسى (2-ورىن)، ش ق و (3 ورىن)
ACLS: قىزىلوردا قالاسى (1-ورىن)، جەتىسۋ وبلىسى (2-ورىن)، قاراعاندى وبلىسى (3-ورىن)
ترياج: سولتۇستىك قازاقستان وبلىسى (1-ورىن)، ماڭعىستاۋ وبلىسى (2-ورىن)، الماتى قالاسى (3-ورىن)
ۇيىمداستىرۋشىلار شۇعىل مەديتسينانىڭ ۇلتتىق ۇيلەستىرۋ ورتالىعى جانە ق ر جەدەل مەديتسينالىق جاردەم قاۋىمداستىعى - چەمپيونات تەك كاسىبي جارىس قانا ەمەس، سونىمەن قاتار تاجىريبە الماسۋ ءۇشىن ماڭىزدى الاڭعا اينالعانىن اتاپ ءوتتى.
ءىس-شارا كادرلىق الەۋەتتى نىعايتۋعا جانە ەل ازاماتتارى ءۇشىن شۇعىل كومەك ساپاسىن ارتتىرۋعا ىقپال ەتەدى.
ايتا كەتەيىك، تۇركىستان وبلىسىندا مەديتسينالىق ۇيىمدارعا 60 جەدەل جاردەم كولىگى بەرىلدى.
