ەلىمىزدە وتەتىن «بولاشاقتىڭ ويىندارى» 2026-جىلعا اۋىستىرىلادى
استانا. KAZINFORM - مەملەكەت باسشىسى قاسىم-جومارت توقايەۆ ەلىمىزدەگى سۋ تاسقىنى سالدارىن جويۋ جانە زارداپ شەككەن ازاماتتارعا كومەك كورسەتۋ ءۇشىن قارجىنى ۇنەمدەۋ ماقساتىندا ەلىمىزدە وتەتىن يميدجدىك جانە باسقا دا ءىرى ءىس-شارالاردى وتكىزبەۋدى جانە كەيىنگە شەگەرۋدى تاپسىردى.
ق ر تۋريزم جانە سپورت مينيسترلىگىنىڭ باسپا ءسوز قىزمەتى اتاپ وتكەندەي، بيىل كۇزدە ۇيىمداستىرىلاتىن 5-دۇنيەجۇزىلىك كوشپەندىلەر ويىندارىن وتكىزۋ شىعىندارىن وڭتايلاندىرۋ، «بولاشاقتىڭ ويىندارى» حالىقارالىق مۋلتيسپورت تۋرنيرىن ۇيىمداستىرۋ جانە وتكىزۋ بويىنشا دايىندىق جۇمىستارىن 2025-جىلدان 2026-جىلعا اۋىستىرۋ تۋرالى شەشىم قابىلداندى.
ەستەرىڭىزگە سالا كەتەيىك، بيىلعى اقپاندا پرەزيدەنت تاتارستاننىڭ قازان قالاسىندا وتكەن «بولاشاقتىڭ ويىندارى» باسەكەسىنىڭ اشىلۋ سالتاناتىنا قاتىسىپ، كەلەسى جىلعى مۋلتيسپورت تۋرنيرى قازاقستاندا وتەتىنىن مالىمدەگەن ەدى. ويىندار سيفرلىق جانە كلاسسيكالىق سپورتتى بىرىكتىرەتىن 21 يننوۆاتسيالىق فيدجيتال باعدارلاما بويىنشا ءوتتى. قازاقستاننىڭ ويىنشىلارى مەن كوماندالارى سپورتتىڭ 13 ءتۇرى بويىنشا سايىسقا ءتۇستى. جالپى بۇل تۋرنيردە ەلىمىزدىڭ 48 وكىلى ب ا ق سىنادى.
اۆتور كۇنسۇلتان وتارباي
