ەلىمىزدە وندىرىلگەن التىن مەن كۇمىس LBMA ستاندارتىنا ساي-ونەركاسىپ مينيسترلىگى
ەلىمىزدە وندىرىلگەن التىن مەن كۇمىس حالىقارالىق ساپا ستاندارتتارىنا ساي كەلەدى. بۇل تۋرالى ونەركاسىپ جانە قۇرىلىس مينيسترلىگىنەن ءمالىم ەتتى، دەپ حابارلايدى Kazinform.
«ەلىمىزدە وندىرىلگەن التىن مەن كۇمىس الەمدىك نارىقتا قانشالىقتى باعالى؟ قاي وڭىردە وندىرىلگەن التىننىڭ ساپاسى جوعارى ءارى قىمبات؟ ەلىمىزدە التىن مەن كۇمىستى وڭدەۋمەن ءۇش اففيناج زاۋىتى («تاۋ- كەن التىن» ج ش س، «قازمىرىش» ج ش س، «قازاقمىس سمەلتينگ» ج ش س) اينالىسادى. وڭدەلگەن التىن مەن كۇمىستىڭ ساپاسى لوندون نارىق قاۋىمداستىعىندا قابىلدانعان باعالى مەتالدار (LBMA) حالىقارالىق ساپا ستاندارتتارىنا سايكەس كەلەدى»، - دەدى مينيسترلىكتەن اگەنتتىكتىڭ ساۋالىنا وراي.
ۆەدومستۆو مالىمەتىنشە، ەلىمىزدە التىن مەن كۇمىستى وڭدەۋمەن «تاۋ- كەن التىن» ج ش س، «قازمىرىش» ج ش س، «قازاقمىس سمەلتينگ» ج ش س- نىڭ ءۇش اففيناج زاۋىتى اينالىسادى. ولاردىڭ ىشىندە «قازمىرىشتا» عانا شۆەيتساريالىق Glencore AG كومپانياسىنىڭ شەتەلدىك ۇلەسى بار.
