ەلىمىزدە ەت ونىمدەرىن كوپ تۇتىناتىن وڭىرلەر بەلگىلى بولدى

قازاقستاندىقتار ەت جانە ءسۇت ونىمدەرىن كوپ تۇتىنا باستادى، دەپ حابارلايدى Kazinform.

ۇلتتىق ستاتيستيكا بيۋروسى 2023 -جىلدىڭ Ⅲ توقسانى بويىنشا جان باسىنا شاققانداعى ازىق-تۇلىك تۇتىنۋ بيۋللەتەنىن جاريالادى.

بۇدان بۇرىنعى كەزەڭدەردەگىدەي ءۇي شارۋاشىلىعىنىڭ تۇتىنۋ شىعىندارىندا ازىق-تۇلىك ساتىپ الۋعا جۇمسالاتىن شىعىستاردىڭ ەڭ كوپ ۇلەسى ەت پەن ەت ونىمدەرىنە - %17، نان مەن جارما ونىمدەرىنە - %7,8، ءسۇت ونىمدەرىنە %5,4 تيەسىلى.

ەت جانە ەت ونىمدەرىن تۇتىنۋدىڭ ەڭ جوعارى كورسەتكىشى جەتىسۋ، اتىراۋ، اقمولا وبلىستارىندا، ال ەڭ تومەنى شىمكەنت قالاسىندا بايقالدى. وڭىرلەر بولىنىسىندە نان مەن جارما ونىمدەرىن تۇركىستان وبلىسىنىڭ تۇرعىندارى كوبىرەك تۇتىنادى - جان باسىنا شاققاندا 44,1 ك گ (توقسانىنا)، ەڭ ازى - ەلوردا تۇرعىندارىندا، جان باسىنا شاققاندا 23,6 ك گ.

وتكەن جىلدىڭ سايكەس كەزەڭىمەن سالىستىرعاندا 2023 -جىلدىڭ Ⅲ توقسانىندا قازاقستاندىقتار ەت جانە ەت ونىمدەرىن - 0,7 كەلىگە، ءسۇت جانە ءسۇت ونىمدەرىن 1,2 كەلىگە كوبىرەك تۇتىنعان.

اۆتور

ەلميرا ورالبايەۆا