ەلىمىزدە ستۋدەنتتەرگە قانشا جاتاقحانا ورنى جەتىسپەيدى
استانا. KAZINFORM - جاتاقحانا تاپشىلىعى ماسەلەسىندە ق ر عىلىم جانە جوعارى ءبىلىم مينيسترلىگى مەن ج و و-لار ۇسىنعان دەرەكتەر سايكەس كەلمەيدى. بۇل جونىندە ق ر جوعارى اۋديتورلىق پالاتاسىنىڭ مۇشەسى تىلەگەن كاسكين مالىمدەدى.
- 2024- 2025 وقۋ جىلىندا جاتاقحانالاردا 10 مىڭنان استام ورىن تاپشى بولدى. بۇل رەتتە مينيسترلىك پەن وپەراتور دەرەكتەرى اراسىنداعى قاجەتتىلىككە قاتىستى الشاقتىق 31 مىڭ ورىننان اسىپ ءتۇستى، - دەدى ول.
سونداي-اق، ستۋدەنتتەردى جاتاقحاناعا ورنالاستىرۋدىڭ بەكىتىلگەن نورماسى ورىندالماي وتىر.
- باسپانامەن قامتاماسىز ەتۋ دەڭگەيى بۇرىن بەلگىلەنگەن %70 باعداردان ەداۋىر تومەن: ەۋرازيا ۋنيۆەرسيتەتىندە - %51,7، قازاق ۇلتتىق ۋنيۆەرسيتەتىندە - %56,7. سونىمەن قاتار، قازاق ۇلتتىق ۋنيۆەرسيتەتى مەن ەۋرازيا ۋنيۆەرسيتەتىندە اكىمشىلىك قاجەتتىلىكتەرگە اۆتوكولىك ساتىپ الۋعا 133 ميلليون تەڭگەدەن استام قاراجات جۇمسالعان، - جوعارى اۋديتورلىق پالاتا مۇشەسى.
