ەلىمىزدە سۋ شارۋاشىلىعى جانە يرريگاتسيا ۋنيۆەرسيتەتى قۇرىلادى

استانا. KAZINFORM - ۇكىمەت ەلىمىزدىڭ سۋ شارۋاشىلىعى سالاسىنا كادر دايارلاۋ شارالارىن قولعا الىپ جاتىر. تاراز قالاسىندا جاڭادان قۇرىلعان سۋ شارۋاشىلىعى جانە يرريگاتسيا ۋنيۆەرسيتەتى جۇمىسىن باستايدى. ءتيىستى قاۋلىعا ق ر پرەمەر-ءمينيسترى ولجاس بەكتەنوۆ قول قويدى.

بيىلعى ءساۋىر ايىندا قر پرەزيدەنتى جانىنداعى عىلىم جانە تەحنولوگيالار جونىندەگى ۇلتتىق كەڭەستە مەملەكەت باسشىسى ق. توقايەۆ تاراز گيدرومەليوراتيۆتىك-قۇرىلىس ينستيتۋتىن ءتيىستى ماتەريالدىق-تەحنيكالىق قامتاماسىز ەتۋ ارقىلى قالپىنا كەلتىرۋ شارالارىن قابىلداۋدى تاپسىرعان بولاتىن. اتالعان مىندەتتى ىسكە اسىرۋ شەڭبەرىندە ۇكىمەت «م. ح. دۋلاتي اتىنداعى تاراز وڭىرلىك ۋنيۆەرسيتەتى» كوممەرتسيالىق ەمەس اكتسيونەرلىك قوعامىن قايتا قۇرۋ جانە ونىڭ نەگىزىندە ەكى ج و و - «م. ح. دۋلاتي اتىنداعى تاراز ۋنيۆەرسيتەتى» كوممەرتسيالىق ەمەس اكتسيونەرلىك قوعامىن («تارۋ» ك ە ا ق) جانە «قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى» كوممەرتسيالىق ەمەس اكسيونەرلىك قوعامىن («قازاقستان ۇ س ش ي ۋ» ك ە ا ق) قۇرۋ تۋرالى شەشىم قابىلدادى.

وقۋ ورىندارى ولاردىڭ جارعىلىق كاپيتالدارىنا مەملەكەتتىڭ ءجۇز پايىز قاتىسۋى ارقىلى قۇرىلدى. وسىلايشا، ارنايى وقۋ ورنى سۋ شارۋاشىلىعى مەن يرريگاتسيا جۇيەسى ءۇشىن جوعارى بىلىكتى كادرلاردى تۇراقتى تۇردە دايارلايتىن بولادى.

قازاقستان ۇ س ش ي ۋ- دا «سۋ شارۋاشىلىعى جانە مەليوراتسيا»، «گەودەزيا جانە كارتوگرافيا»، «سۋ شارۋاشىلىعىنداعى گيدروتەحنيكالىق قۇرىلىس»، «سۋمەن جابدىقتاۋدىڭ ينجەنەرلىك جۇيەلەرى»، «سۋ شارۋاشىلىعىنداعى يننوۆاتسيالىق تەحنولوگيالار» اتتى جاڭا ءبىلىم بەرۋ باعدارلامالارى ەنگىزىلەدى.

2024-جىلعى 1-قىركۇيەكتەن باستاپ جاڭا ج و و ستۋدەنتتەر قابىلداي الادى دەپ جوسپارلانىپ وتىر.

قازازاقستان ۇ س ش ي ۋ- عا 2024-2025-جىلدارعا 245 ورىنعا ارنالعان مەملەكەتتىك ءبىلىم بەرۋ تاپسىرىسىنىڭ نىسانالى كۆوتاسى (باكالاۆرياتقا - 210، ماگيستراتۋراعا - 20، دوكتورانتۋراعا - 15) ءبولىندى. ءبىلىم بەرۋ تسيكلىندەگى جالپى كونتينگەنت سانى 4000 ءبىلىم الۋشىنى قۇرايدى.