ەلىمىزدە ۇرلىق جاساۋ ازايدى

استانا. KAZINFORM - بيىل 11 ايدىڭ ەسەبى بويىنشا قازاقستاندا ۇرلىق-قارلىق %28,1 عا ازايدى، ياعني 40458-دەن 29089-عا دەيىن تومەندەگەن.

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنە سايكەس، ۇرلىق كوبىنە الماتى جانە استانا قالاسىندا تىركەلسە، (6675/3727) ماڭعىستاۋ جانە ۇلىتاۋ وبلىسىندا ۇرلىق (396/298) از بولعان.

- ۇيالى تەلەفوندار ۇرلىعى %31,2 عا تومەندەدى (10051-دەن 6919-عا دەيىن). موبيلدى تەلەفوندار ۇرلىعى كوبىنە الماتىدا - 1989 جانە استانادا - 669، ەڭ ازى ۇلىتاۋ وبلىسىندا - 54.

- اۆتوكولىكتى ۇرلاۋ %46,1 عا (256 دان 138 گە دەيىن) ازايدى.

- پاتەر ۇرلىعى (ءۇيدى توناۋ) بويىنشا دا قىلمىستىڭ %33,7 عا ، ياعني 3398 دەن 2252 گە دەيىن تومەندەۋ ديناميكاسى بايقالادى.

- مال ۇرلىعى %30,3 عا نەمەسە 1432 دەن 998 گە دەيىن تومەندەدى. مال ۇرلىعى فاكتىلەرىنىڭ ەڭ كوبى الماتى-194، اباي - 126، تۇركىستان - 114، جەتىسۋ - 97 وبلىستارىندا تىركەلگەن.

ەسكە سالا كەتەيىك، قازاقستاندا 2022 -جىلداپ باستاپ ۇرلىق جاساۋ قىلمىسى بويىنشا جازا قاتاڭداتىلدى.