ەلىمىزدە قۇقىق بۇزعانداردى ۆيدەوعا تۇسىرگەن كۋاگەرلەر اقشالاي سىياقى الادى

استانا. KAZINFORM - ىشكى ىستەر مينيسترلىگى قۇقىق بۇزعانداردى دەر كەزىندە ۆيدەوعا تۇسىرگەن ازاماتتاردى ماراپاتتاۋدى جوسپارلاپ وتىر.

ءى ءى م «اشىق نقا» پورتالىندا «قۇقىق بۇزۋشىلىقتار پروفيلاكتيكاسى تۋرالى» زاڭ جوباسىن ازىرلەپ، جاريالادى.

زاڭ جوباسى اياسىندا ازاماتتارعا «قوعامدىق كومەكشى» بولۋعا جانە ءتارتىپتى ساقتاۋعا قاتىسۋعا مۇمكىندىك بەرۋ جوسپارلانعان. جوبادا قۇقىقبۇزۋشىلىقتىڭ الدىن الىپ، جولىن كەسىپ نەمەسە بەينەجازباعا تۇسىرگەن الەۋمەتتىك جاۋاپكەرشىلىگى بار ازاماتتاردى ىنتالاندىرۋ دا قاراستىرىلعان.

اكىمشىلىك قۇقىقبۇزۋشىلىق تۋرالى بەينەجازبانى ۋاكىلەتتى ورگاندارعا جىبەرگەن ازاماتتار قۇقىق بۇزۋشىدان وندىرىلگەن ايىپپۇل سوماسىنان اقشالاي سىياقىمەن ماراپاتتالادى نەمەسە جەرگىلىكتى اتقارۋشى ورگانداردىڭ شەشىمى بويىنشا جەڭىلدىكتەر (قوعامدىق كولىكتە تەگىن ءجۇرۋ، تەگىن اۆتوتۇراققا نەمەسە باسقا جەڭىلدىكتەر) قاراستىرىلادى، - دەلىنگەن زاڭ جوباسىندا.

سىياقى مولشەرىن ارنايى كوميسسيا بەلگىلەيدى. ەگەر ءبىر بۇزۋشىلىقتى بىرنەشە ادام حابارلاسا، ءبىرىنشى اقپارات بەرگەن ادامعا سىياقى تاعايىندالادى. ماسەلەن، قازاقستان تۇرعىنى جول قوزعالىسى ەرەجەسىنىڭ بۇزىلۋىنا كۋا بولسا، زاڭبۇزۋشىلىقتى ۆيدەوعا ءتۇسىرىپ، جازبانى قۇقىق قورعاۋ ورگاندارىنا تاپسىرسا، سىياقى الۋى مۇمكىن.

زاڭ جوباسى قوعامدىق تالقىلاۋ 10-قازانعا دەيىن جالعاسادى.