ەلىمىزدە نەگىزگى ۇ ب ت باستالدى

استانا. KAZINFORM - بۇگىن باستالعان نەگىزگى ۇلتتىق ءبىرىڭعاي تەستىلەۋ 7-شىلدەگە دەيىن جالعاسادى.

تالاپكەرلەر نەگىزگى ۇ ب ت- نى ەكى رەت تاپسىرىپ، ەڭ ۇزدىك ناتيجەمەن گرانت كونكۋرسىنا قاتىسا الادى. تالاپكەرلەر تەستىلەۋ كۇنىن، ۋاقىتىن جانە پۋنكتىن وزدەرى تاڭدايدى. بۇل رەتتە ولار ەكى مۇمكىندىك ءۇشىن دە بەيىندىك پاندەردىڭ ءبىر عانا كومبيناتسياسىن بەلگىلەدى.

216 مىڭعا جۋىق تالاپكەر تەستىلەۋگە قاتىسۋعا ەكى مۇمكىندىكتى ەسەپكە العاندا 399 مىڭعا جۋىق ءوتىنىش بەرگەن (2024-جىلى 186 مىڭعا جۋىق تالاپكەر تەستىلەۋگە قاتىسۋعا ەكى مۇمكىندىكتى ەسەپكە العاندا 342 مىڭ ءوتىنىش قالدىرعان). ونىڭ ىشىندە تاپسىرۋشىلاردىڭ 75 پايىزى قازاق تىلىندە، 25 پايىزعا جۋىعى ورىس تىلىندە، 266 ادام اعىلشىن تىلىندە تەستىلەۋدەن وتۋگە ءوتىنىش ءبىلدىردى.

- ءوتىنىش بەرۋ كەزىندە تالاپكەرلەر تەستىلەۋ كۇنىن، ۋاقىتىن جانە ورنىن وزدەرى تاڭدادى. ۇ ب ت- نىڭ ءبىرىنشى كۇنى بۇكىل ەلىمىز بويىنشا 4589 ادام، ونىڭ ىشىندە ەلوردادا 323 تالاپكەر تەستىلەۋدەن وتەدى. جالپى ۇ ب ت 46 تەستىلەۋ پۋنكتىندە ۇيىمداستىرىلعان. بىرنەشە جىل قاتارىنان ەڭ كوپ تاڭدالعان بەيىندىك پاندەر كومبيناتسياسى «ماتەماتيكا-فيزيكا» بولىپ قالىپ وتىر - ونى تۇلەكتەردىڭ 16,5 پايىزى تاڭدادى. بۇل تالاپكەرلەردىڭ ينجەنەرلەر، مۇعالىمدەر، ەنەرگەتيكتەر، قۇرىلىسشىلار جانە باسقا دا تەحنيكالىق ماماندىقتارعا دەگەن ۇمتىلىسىن كورسەتەدى. تانىمالدىعى بويىنشا كەلەسى كومبيناتسيالار: بولاشاق مەديكتەرگە باعىتتالعان «بيولوگيا-حيميا» (15,6 پايىز) جانە IT سالاسىنا قىزىعۋشىلىق تانىتاتىن تالاپكەرلەردى تارتاتىن «ماتەماتيكا-ينفورماتيكا» (9,7 پايىز)، - دەدى عىلىم جانە جوعارى ءبىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ ءتوراعاسى گۇلزات كوبەنوۆا.

ۇ ب ت- داعى پاندەردىڭ سانى وزگەرىسسىز قالادى، ياعني ۇشەۋى مىندەتتى جانە ەكەۋى تاڭداۋ بويىنشا. ۇ ب ت تاپسىرمالار سانى - 120. ونىڭ ىشىندە «قازاقستان تاريحىنان» 20 تاپسىرما، «وقۋ ساۋاتتىلىعىنان» 10 تاپسىرما، «ماتەماتيكالىق ساۋاتتىلىقتان» 10 تاپسىرما جانە ەكى بەيىندىك ءپان بويىنشا 40 تاپسىرمادان. جوعارى بال - 140.

تەستىلەۋ ۋاقىتى - 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.

جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ ءتورايىمى ۇ ب ت- عا ءتيىمدى دايىندىق ءۇشىن بارلىق قاجەتتى جاعدايلار جاسالىپ جاتقانىن اتاپ ءوتتى. اتاپ ايتقاندا، ءاربىر ءپان بويىنشا ناتيجەلەرگە جەكە تاقىرىپتىق تالداۋ ەنگىزىلدى. بۇل تۇلەكتەرگە ءار ۇ ب ت- دان (قاڭتار نەمەسە ناۋرىز) كەيىن وزدەرىنىڭ وسال تۇستارىن جەدەل انىقتاپ، ماقساتتى تۇردە پىسىقتاۋعا مۇمكىندىك بەرەدى. ونىڭ ۇستىنە، ءتىپتى تەستىلەۋدىڭ ءبىرىنشى مۇمكىندىگىنەن كەيىن تالاپكەرلەرگە دايىندىقتارىن كۇشەيتۋگە جانە كەلەسى ۇ ب ت كەزىندە جوعارى كورسەتكىش كورسەتۋ مۇمكىندىگىن ارتتىرۋعا جەتكىلىكتى ۋاقىت بار.

دايىندىق دەڭگەيىن باعالاۋ جانە ەمتيحان فورماتىنا بەيىمدەلۋ ءۇشىن ونلاين سىناقتان ءوتۋ مۇمكىندىگى قاراستىرىلعان. سونىمەن قاتار وقۋ جىلىنىڭ باسىندا ۇلتتىق تەستىلەۋ ورتالىعىنىڭ سايتىندا دايىندىق ءۇشىن بارلىق قاجەتتى ماتەريالدار جاريالانادى: ۇسىنىلاتىن وقۋلىقتاردىڭ ءتىزىمى؛ تەستتىڭ تولىق جوسپارى؛ قازاقستان تاريحى جانە دۇنيەجۇزىلىك تاريح بويىنشا 100 ماڭىزدى تاريحي كۇندەردىڭ ءتىزىمى؛ ينفورماتيكا بويىنشا تەرميندەر گلوسسارييى؛ قازاق جانە ورىس ادەبيەتى بويىنشا ادەبي شىعارمالاردىڭ ءتىزىمى. بۇل رەسۋرستاردىڭ بارلىعى تالاپكەرلەردى ۇ ب ت- عا سەنىمدى جانە ءساتتى دايىندىق ءۇشىن قۇرالداردىڭ تولىق جيىنتىعىمەن قامتاماسىز ەتۋگە باعىتتالعان.

اكادەميالىق ادالدىقتى قامتاماسىز ەتۋ ماقساتىندا ۇبت- عا قاتىسۋشى ءاربىر ادام جەكە جاسالعان تەست نۇسقاسىن الادى. ەمتيحان كەزىندە تەستىلەۋ باعدارلاماسىندا كالكۋلياتور، حيميالىق ەلەمەنتتەردىڭ پەريودتىق جۇيەسى جانە تۇزداردىڭ ەرىگىشتىك كەستەسى قولجەتىمدى بولادى. سونىمەن قاتار تالاپكەرلەرگە ىڭعايلى بولۋ ءۇشىن كەستەلەردىڭ قاعاز نۇسقالارى دا بەرىلەدى.

مازمۇنى بويىنشا اپەللياتسياعا ءوتىنىشتى تەستىلەۋ اياقتالعاننان كەيىن 30 مينۋت ىشىندە، ال تەحنيكالىق اپەللياتسيا بويىنشا ءوتىنىشتى تەستىلەۋ بارىسىندا بەرۋگە بولادى. سەرتيفيكات اپەللياتسيا قارالعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى. تالاپكەردىڭ جەكە كابينەتىندە رەسپۋبليكالىق اپەللياتسيالىق كوميسسيا وتىرىسىنىڭ مەرزىمى كورسەتىلەدى. رەسپۋبليكالىق اپەللياتسيالىق كوميسسيا وتىرىسى باستالعانعا دەيىن اپەللياتسيا ءوتىنىشىن جەكە كابينەتىندە قايتارىپ الۋ مۇمكىندىگى بار. اپەللياتسيا ءوتىنىشىن قايتارىپ العاننان كەيىن سەرتيفيكات تالاپكەردىڭ جەكە كابينەتىندە ءبىر جۇمىس كۇنى ىشىندە قولجەتىمدى بولادى.

شەكتى بالدار وزگەرىسسىز قالدى: «قۇقىق» جانە «پەداگوگيكالىق عىلىمدار» باعىتتارىنا ءتۇسۋ ءۇشىن كەمىندە 75 بال، «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» ءۇشىن كەمىندە 70 بال جيناۋ قاجەت؛ ۇلتتىق جوو- عا ءتۇسۋ ءۇشىن كەمىندە 65 بال، باسقا ج و و- عا ءتۇسۋ ءۇشىن كەمىندە 50 بال جيناۋ قاجەت.

قاۋىپسىزدىكتى قامتاماسىز ەتۋ جانە بۇزۋشىلىقتاردىڭ الدىن الۋ ماقساتىندا تەستىلەۋگە كىرە بەرىستە تىيىم سالىنعان زاتتاردى، مىسالى، تەلەفونداردى، شپارگالكالاردى الىپ كىرۋگە جول بەرمەۋ ءۇشىن قول جانە رامالىق مەتالل ىزدەگىشتەر قولدانىلادى.

تەستىلەۋ اۋديتوريالارىندا رۇقسات ەتىلگەن ماگنيتتىك تولقىندار شەگىندە موبيلدى جانە راديوەلەكتروندى بايلانىس سيگنالدارىن باساتىن قۇرىلعىلار پايدالانىلادى، سونداي-اق بەينەباقىلاۋ جۇرگىزىلەدى.

2025-جىلعى ۇ ب ت اياقتالعاننان كەيىن كۇنتىزبەلىك جىلدىڭ 31-قازانىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە باسقا دا ەرەجەلەردى بۇزۋ فاكتىلەرى انىقتالعان جاعدايدا تالاپكەردىڭ ۇ ب ت ناتيجەلەرى جويىلادى.

كەشە سوڭعى قوڭىراۋدىڭ اۋىسۋىنا بايلانىستى ۇبت وتەتىن كۇندەر وزگەرگەنىن حابارلاعان ەدىك.